За опасностите од подгревањето на храната

Фото: Pexels
281

Под готварскиот назив „Синдром на пржен ориз“ се крие опасноста од труење што настанува кога се подгреваат и јадат суви оброци, со состојки како компири, тестенини и ориз.

Готвењето со остатоци од храна е одличен начин за заштеда на пари, но и за намалување на отпадот од храна – што е светски проблем. Сепак, важно е да се знае дека подгревањето јадења од претходните денови носи одредени опасности.

Под готварскиот назив „Синдром на пржен ориз“, на пример, се крие опасноста од труење што настанува кога се подгреваат и јадат суви оброци, со состојки како компири, тестенини и ориз.

Овој вид храна може да ја има бактеријата „Bacillus cereus“, којашто станува штетна и отровна кога јадењето се подгрева, па се остава на собна температура предолго, пренесува „Мирор“.

Џон Кунг, професионален готвач од Детроит, САД, има 1,7 милиони следачи на неговиот Тикток-канал, каде што ги споделува своите рецепти и совети за готвење.

Тој вели дека секогаш треба да ги имаме предвид опасностите.

Правилото „40, 140, 4“… Значи дека ако оставите храна подолго на температура меѓу 40 и 140 Фаренхајти (4 до 60 Целзиусови степени) повеќе од четири часа, тоа јадење веќе не е безбедно за консумација.

Ова е практика којашто им се препорачува и на рестораните за да се одржи безбедноста на храната, вели Кунг.

Прашан – дали храната треба да се олади пред да се стави во фрижидер, Кунг одговори дека денешните фрижидери всушност се способни да се справат и со жешка храна.