Што може да му направи модриот патлиџан на организмот?
Ако сакате да одржите здрава телесна тежина или да изгубите вишок килограми, модриот патлиџан може да биде корисен. Исто така може да има корисен ефект врз здравјето на срцето. Богат е со калиум, минерал кој го поддржува нормалниот крвен притисок, а фитонутриентите присутни во него можат да го намалат нивото на холестерол и триглицериди во крвта.
Модрите патлиџани кријат многу здравствени придобивки кои ги прават не само вкусен додаток на јадењата, туку и исклучително корисни за нашиот организам. Една од најважните карактеристики на модриот патлиџан е неговото богатство со антиоксиданти, вклучувајќи антоцијани и витамини Ц и Е. Антоцијаните, одговорни за карактеристичната виолетова боја на модриот патлиџан, делуваат како моќни антиоксиданти кои помагаат во заштитата на нашите клетки од оксидативен стрес.
Овие антиоксиданти, исто така, играат клучна улога во намалување на воспалението во телото и намалување на ризикот од хронични болести како што се срцеви заболувања и одредени видови на рак. Но, придобивките од оваа намирница не завршуваат тука.
Модриот патлиџан исто така може да биде корисен за одржување на здравјето на нашиот мозок. Содржи фитонутриенти како насунин, соединение кое помага во заштитата на нервните клетки од оксидативно оштетување. Ова својство може да го намали ризикот од невродегенеративни болести, вклучувајќи Алцхајмерова и Паркинсонова болест.
Нискокалорични и богати со растителни влакна и калиум
Ако сакате да одржите здрава телесна тежина или да изгубите вишок килограми, модриот патлиџан може да биде корисен. Оваа намирница е нискокалорична, но богата со влакна кои придонесуваат за чувството на ситост и регулирање на варењето. Одржува и редовна столица, што ја прави идеален избор за оние кои се грижат за своето физичко здравје.
Јадењето модар патлиџан исто така може да има корисен ефект врз здравјето на срцето. Богат е со калиум, минерал кој го поддржува нормалниот крвен притисок. Фитонутриентите присутни во него можат да го намалат нивото на холестерол и триглицериди во крвта, а со тоа го намалуваат ризикот од срцеви заболувања.
Супер храна
Иако често се смета за зеленчук во кулинарството, ботанички, модриот патлиџан е бобинка. Постојат многу различни видови на модар патлиџан, вклучувајќи големи виолетови, бели и разновидни сорти. Иако е популарен во медитеранската кујна, модриот патлиџан е нискокалоричен, а 100 грама сиров модар патлиџан содржи само околу 25 калории.
Со сите овие здравствени придобивки, може да се смета за суперхрана која треба редовно да ја внесуваме во исхраната.