Дали се чувствувате постојано уморно, не можете да се концентрирате и косата ви паѓа? Можно е да јадете премалку намирници од листата на оние богати со витамин Б12
Витаминот Б12 е есенцијален витамин неопходен за нормално функционирање на нашето тело кое не може самостојно да го произведе, па затоа мораме да го внесуваме со храна или додатоци во исхраната. Витаминот Б12, кој може да се произведува и синтетички, помага во производството на црвени крвни зрнца и го стимулира метаболизмот, што е многу важно за нивото на нашата енергија. Тој е вклучен и во синтезата на ДНК и РНК, што влијае на клеточната делба и раст.
Меѓутоа, и децата и возрасните, особено оние над 50 години, често страдаат од недостаток на овој важен витамин, а тоа има бројни последици. Затоа е неопходно да се знае која храна го содржи, а добро е и да се препознаат симптомите од неговиот недостаток. Значи, еве кои се можните последици доколку не конзумираме доволно од овој исклучителен витамин:
послаба меморија
замор
дефицит на внимание
трнење во рацете и нозете
конфузија
анемија
депресивно расположение
невролошки нарушувања
чувство на печење на јазикот
мускулна слабост
необјаснета главоболка
губење на косата
За да ги избегнете овие сериозни симптоми, мора да внимавате на здравата исхрана, а на вашето мени треба да се најдат овие намирници:
Витаминот Б12 особено го има во млечните производи и протеините. На пример, дневните потреби можете да ги покриете со мала чаша млеко, јајце, шолја јогурт или 60 грама Камемберт, а ова е погодно и за вегетаријанци. За веганите, пак, има многу производи збогатени со Б12 што можат да ги користат, како што се одредени растителни млека и житарки, а можат и да ги надополнуваат. Еве кои намирници содржат Б12 – и во колкава количина
100 г говедски или телешки црн дроб 60 до 65 микрограми (µg)
100 г кавијар 16 микрограми
100 г остриги 14,5 микрограми
100 г скуша 9 микрограми
100 г школки 8,5 микрограми
100 г пастрмка 4,5 микрограми
100 г кашкавал 3,1 мг
100 г варен лосос 2,9 микрограми микрограми
100 г моцарела 2 микрограми микрограми
1 варено јајце: 1,1 микрограми
3 полни лажици урда 0,7 микрограми
1 мала чаша кравјо млеко 0,6 мг
1 мала шолја јогурт 0,6 мг
Иако е тешко да се предозира со овој витамин бидејќи телото го излачува вишокот со урината, некои експерти за исхрана веруваат дека прекумерните дози во подолг временски период може да го зголемат ризикот од фрактури на коските, па дури и од рак на белите дробови. Затоа е дефинитивно добра идеја периодично да го проверувате нивото на Б12 во крвта и соодветно да ја прилагодите вашата исхрана.