Иако содржат голема количина јаглени хидрати и шеќер, урмите содржат и посебни киселини кои во голема мера го олеснуваат варењето на јаглехидратите и го контролираат нивото на шеќер во крвта. Сепак, не претерувајте со количината. Најоптимално е да се јадат по 4-5 секој ден
Урмите содржат витамини Ц, К, Е, Б1, Б2, Б4, Б5, Б6, Б9, бакар, железо, калиум, магнезиум, фосфор, цинк, калциум, селен, флуор, силициум, хром, бор, сулфур. Од нив со високи концентрации се издвојуваат калиумот, калциумот, силициумот и магнезиумот.
Меѓу сите овошја, урмите содржат најголема количина на јаглени хидрати: има 69 грама јаглени хидрати на 100 грама од производот. Во урмите има и многу шеќер, околу 60-65 проценти. Во свежото овошје има малку помалку шеќер, затоа што има повеќе вода.
Во однос на калориите, овошјето е некаде на средина бидејќи во 100 грама има околу 290 калории. Обично, толку голема количина шеќер подразбира висок гликемиски индекс во производот.
Ова е делумно точно, бидејќи урмите содржат посебни киселини: пантотенска, ниацин, рибофламин. Тие во голема мера го олеснуваат варењето на јаглехидратите и го контролираат нивото на шеќер во крвта.
Исто така, урмата може да се пофали дека содржи повеќе од 20 видови на различни аминокиселини кои му се потребни на телото, а кои нема да ги најдете во повеќето други овошја.
Научно истражување
Научното списание „Biology and Integrative Medicine“ издвојува некои корисни својства што ги има овошјето, а како прво го истакнува тоа што во урмите нема воопшто холестерол.
Второ, пектинот и диеталните влакна кои го сочинуваат овошјето имаат позитивно влијание на дигестивниот систем, па дури и го намалуваат ризикот од одредени видови на рак.
Трето, високата концентрација на магнезиум и калиум има корисен ефект врз функционирањето на срцето и крвните садови. Присуството на селен во производот им помага на садовите да се борат против манифестацијата на васкуларни заболувања и да ги намалат ризиците од нивното формирање и натамошен развој.
Исто така, поради изобилството на антиоксиданти, урмите му помагаат на организмот да се справи со болестите.
Сепак, урмите можат да им наштетат на луѓето со висок шеќер во крвта. Овошјето не е во состојба целосно да го надомести високиот гликемиски индекс (ГИ). Оние кои имаат било какви патологии на гастроинтестиналниот тракт, бубрежни заболувања, прекумерна тежина, алергии на фруктоза треба да се воздржат и прво да се консултираат со лекар.
Според препораките на лекарите и нутриционистите, не можете да јадете повеќе од 15 урми дневно. Сепак, тие имаат многу шеќер. Нормата за возрасен е 6-8 парчиња, за дете 3-4 парчиња. На производот му треба долго време за да се свари, па затоа е најдобро да се консумира наутро.