Поради просото, со овие бургери дури и најголемите „лебари“ нема да имаат потреба за леб
Овие бургери е убаво да си ги направите од вечер, па кога ќе си дојдете од работа само да ги испржите и ручекот е готов.
Убаво со нив оди и добро оладен таратур или пак малку сос од павлака, мајонез и копар.
Состојки:
2 тиквици
2 моркови
1 кромид
2-3 чешниња лук
1 шолја сварено просо (се вари околу 15-20 минути со 3 шолји вода)
магдонос
семки од сончоглед и тиква (малку смелени)
1-2 лажици мелено ленено семе
зачини по вкус (сол, црн пипер, ким, црвен пипер)
Презли за наросување
Приготвување:
Просото сварете го и оставете го да се излади. Тиквиците изрендајте ги, посолете ги и оставете да ја отпуштат течноста.
Изрендајте ги морковите и ситно исечкајте ги кромидот, лукот и магдоносот.
Помешајте ги сите состојки, обликувајте ќофтиња, валкајте ги во презли и испржете ги.
Ако сакате, можете да ги наредите врз хартија за печење и да ги испечете во рерна.