За да го одбележиме денот на растителните бургери, ги одбравме за вас најдобрите рецепти полни со протеини и убави вкусови
За почеток, донесуваме едноставен рецепт со познати состојки за оние кои штотуку почнуваат да
експериментираат со веганска кујна и плескавици од растително потекло.
Во овој случај, не можете да погрешите со обичниот конзервиран грав како основа за веге
плескавица.
Веге плескавица со грав
Состојки:
400 гр конзервиран грав (измиен и исцеден)
1 мала главица црвен кромид (сечкан)
2 чешниња лук (сечкани)
1 рендан морков
1 лажица маслиново масло (или ладно цедено сончогледово)
пола шолјичка ситни овесни снегулки
1 шолјичка презли
1 лажичка мелен лен
1 лажичка црвен пипер
1 лажичка ким
црн пипер
сол
масло за пржење.
Приготвување:
Прво измешајте го меленото ленено семе со три лажици вода и оставете да отстои околу 10
минути. Ако јадете јајца, наместо ленено семе во рецептот користете јајце.
Згмечете го гравот со вилушка, но оставете некои покрупни делови.
Во загреана лажица маслиново масло продинстајте ги лукот и кромидот, а потоа додадете го
ренданиот морков и пржете неколку минути.
Потоа во сад измешајте ги динстаниот зеленчук, гравот, сите преостанати состојки вклучувајќи го и т.н. ленено јајце и зачините.
Формирајте плескавици со раце и пржете ги на загреано масло. Пржете ги од секоја страна по неколку минути додека не ја сменат бојата и не станат крцкави.
Послужете со интегрално печиво за хамбургери и со сос по желба.
Плескавици од леќа
Леќата е една од врвните намирници, односно мешунки, во веганската исхрана бидејќи е исклучително богата со протеини и сложени јаглехидрати, а ние ја сметаме за универзална храна која без проблем може да се користи како главна состојка во веге бургерите.
Состојки:
1 шолјичка леќа
2 шолјички вода
1 мала главица црвен кромид (сечкан)
2 чешниња лук (сечкани)
1 рендан морков
1 супена лажица маслиново масло
половина шолјичка мелени бадеми
1/4 шолјичка спелтино брашно
половина шолјичка презла
1 јајце или ленено јајце (1 лажичка мелено ленено семе измешано со три лажици вода; оставете да отстои 10 минути)
2 лажички соја сос
половина лажичка чили
1 лажичка црвен пипер
црн пипер
сол
масло за пржење.
Приготвување:
Прво исплакнете ја леќата под вода, а потоа натопете ја во две чаши вода.
Оставете да зоврие, а потоа нека се вари на тивок оган околу 25 минути.
Откако ќе се свари леќата, исцедете го вишокот вода и изгмечете ја леќата со вилушка.
Во загреана лажица маслиново масло продинстајте ги лукот и кромидот, а потоа додадете го ренданиот морков и пржете неколку минути.
Потоа во сад измешајте ги динстаниот зеленчук, леќата, зачините и сите преостанати состојки.
Формирајте плескавици со
Формирајте плескавици со раце и ставете ги на плех обложен со хартија за печење.
Печете околу 25 минути додека не поруменат.
Плескавица од наут и леќа
Заедно со леќата, наутот е уште една врвна мешунка не само во веганската исхрана, туку и во
исхраната на сештојадите. Вкусен, заситен и со јаткаст вкус – одлично ќе се вклопи во рецептот за
веге-бургер.
Состојки:
1 шолја конзервирана леќа (исплакнета и добро исцедена)
1 шолја конзервиран наут (исплакнет и добро исцеден)
2 чешниња лук (сечкани)
1 рендан морков
половина главица виолетов кромид (исечкана)
маслиново масло
половина шолјичка сечкана црвена пиперка
половина шолјичка овесни снегулки
1 ленено јајце (1 лажичка мелено ленено семе измешано со три лажици вода; оставете да отстои 10 минути)
1 лажичка ким
1 лажичка куркума
1 лажичка гарам масала
половина лажичка коријандер во прав
половина лажичка чили во прав
црн пипер
сол.
Приготвување:
Откако ќе направите ленено јајце (може да користите и обично јајце), леќата и наутот изгмечете ги со вилушка.
Во една лажица загреано маслиново масло продинстајте ги кромидот и лукот, а потоа додадете ги биберот и морковот и пржете уште неколку минути.
Измешајте ги сите состојки, формирајте плескавици и пржете ги на загреано масло од двете страни додека не поруменат.
Послужете со лепчиња за хамбургери, додадете лист зелена салата и сос по желба.
Плескавици од просо
Просото се смета за житарка без глутен со неутрален вкус, па затоа е одлична намирница и за
солени и за слатки рецепти. Секако, просото можете да го користите и за веганска плескавица. Во овој рецепт ви нудиме рецепт за плескавица од просо со примеси на Медитеранот.
Состојки:
1 шолја просо
2 шолји вода
2 чешниња лук (сечкани)
маслиново масло
1 мал црвен кромид (сечкан)
1 мала тиквичка (рендана и исцедена)
1/4 шолја сечкани суви домати
половина шолјичка брашно по избор
1/4 шолја сечкани црни маслинки
1/4 шолја сечкан босилек или магдонос
1 јајце или ленено јајце (1 лажичка мелено ленено семе измешано со три лажици вода; оставете да отстои 10 минути)
1 лажичка оригано
1 лажичка мајчина душица
половина лажичка рузмарин
црн пипер
сол.
Приготвување:
Просото измијте го под вода и натопете го во две шолји вода и варете го.
Кога ќе се свари, оставете го да се излади и исцедете го.
Во една лажица загреано маслиново масло продинстајте ги кромидот и лукот, а потоа додадете ги ренданите тиквички и пржете уште една минута.
Измешајте ги сите состојки и зачини во сад.
Формирајте плескавици и пржете ги на загреано маслиново масло од секоја страна додека не поруменат.
Послужете во печиво за хамбургери со сос и свеж зеленчук по желба.
Ако не сакате да јадете пржена храна или едноставно сакате да избегнете таква подготовка, дури и веге бургерите може да се направат без пржење. Во овој случај, веганските плескавици печени во рерна ќе бидат достојна алтернатива на плескавицата подготвена на класичен начин.
Ќофтиња од леќа и просо
За крај ви претставуваме рецепт за ќофтиња од леќа и просо, комбинација од мешунки и житарки што ги обезбедува сите есенцијални амино киселини. Ќе користиме интересни зачини, но можете да изберете какви било зачини што вие ги сакате.
Состојки:
половина шолја просо
половина шолја црвена леќа
2 шолји вода
1 црвен кромид (сечкан)
2 чешниња лук (сечкани)
1 морков (рендан)
1 црвена пиперка (сечкана)
1/4 шолја сечкани суви кајсии
1/4 шолја сечкан свеж магдонос
1/4 шолја интегрално брашно
1 јајце или ленено јајце (1 лажичка мелено ленено семе измешано со три лажици вода; оставете да отстои 10 минути)
1 лажичка ким
1 лажичка куркума
половина лажичка цејлонски цимет
половина лажичка гарам масала
1/4 лажичка кардамон
1/4 лажичка чили во прав
црн пипер
сол.
Приготвување:
Загрејте ја рерната на 200 °C, а плехот обложете го со хартија за печење.
Прво исплакнете ја леќата и просото под вода, а потоа натопете ги во две чаши вода.
Оставете да зоврие, а потоа оставете ги леќата и просото да се варат на тивок оган околу 25 минути.
Откако ќе се сварат исцедете го вишокот вода и изгмечете ги со вилушка.
Сите состојки измешајте ги во сад, обликувајте ги ќофтињата и ставете ги на плех.
Печете ги околу 20-25 минути.