Подгответе се за искуство кое ја редефинира вашата перцепција за овошните салати и слободно ставете си уште една порција – бидејќи на оваа комбинација на вкусови е многу тешко да ѝ се одолее. Лубеницата, маслинките и за’атарот се главните ѕвезди на оваа освежителна летна салата
Кој вели дека солените маслинки и слатката, сочна лубеница не можат да направат комбинација вредна за внимание и добар апетит?
Во оваа овошна салата се испреплетуваат вкусовите на сок од лимета, освежително нане и интересната мешавина од зачини позната како за’атар (Тука можете да прочитате како да направите за’атар ), создавајќи хармонија која го изненадува и воодушевува непцето.
Секој залак носи ново, неочекувано ниво на задоволство.
Подгответе се за искуство кое ја редефинира вашата перцепција за овошните салати и слободно побарајте уште едно парче – бидејќи на оваа комбинација на вкусови е многу тешко да ѝ се одолее!
Состојки:
2 лажици свеж сок од лимета
2 1/2 лажици маслиново масло
Каламата маслинки без семки и ситно сечкани
1 мало луто пиперче (халапењо или чили)
лубеница, исечена на големи парчиња
2 лажици листови од нане
1/2 лажичка за’атар
морска сол
Приготвување:
Во помал сад измешајте 2 лажици свеж сок од лимета и 2 1/2 лажици маслиново масло.
Додадете ситно сечкани маслинки и ситно исечкано пиперче.
Лубеницата исечкајте ја на крупни кришки и наредете ги на голем плех.
Парчињата треба да бидат доволно големи за да послужат како основа за салата.
Подготвениот прелив од маслинки и халапењо прелијте го врз кришките лубеница.
Поросете ја салатата со свежи листови од нане.
Додадете 1/2 лажичка за’атар рамномерно над салатата.
Поросете со морска сол по вкус.
Уживајте во оваа освежителна и интересна салата која сигурно ќе ви се допадне!