Народен лек против пушачка кашлица

Долгогодишните пушачи често развиваат хронична продуктивна кашлица, која е најизразена наутро и често се нарекува „пушачка кашлица“. Повтореното изложување на чад од тутун го зголемува бројот и функцијата на клетките и жлездите во бронхијалната слузница кои се одговорни за производство на слуз, што доведува до повеќе слуз во долниот респираторен тракт што повеќе не може ефикасно да се отстрани со вообичаените механизми, туку мора да се искашла. Понекогаш слузта е густа, особено ако лицето не пие доволно течности, што го отежнува искашлувањето. Ако некое лице продуктивно кашла три или повеќе месеци годишно најмалку две години по ред без друга позната причина, зборуваме за хроничен бронхитис. Се проценува дека повеќе од 40% од долгогодишните пушачи развиваат хроничен бронхитис, а потоа се повеќе склони кон респираторни инфекции.

Овој напиток може да ги намали симптомите на пушачка кашлица.

Состојки:

400 г кромид

1 чешне лук

1 литар вода

400 г шеќер

2 лажички куркума

1 парче ѓумбир со големина на палец

Приготвување:

Ставете го шеќерот во водата и загрејте на тивок оган. Додадете кромид исечен на поголеми парчиња и ѓумбир. Кога водата ќе зоврие, додадете ја куркумата, намалете ја топлината и оставете уште малку да се свари. Кога смесата ќе се преполови, исцедете ја и истурете ја течноста во тегла. Оставете да се излади на собна температура, а потоа ставете ја во фрижидер.

Примена:

Земајте по две помали лажички секое утро на празен стомак и два часа по вечерата.