Напиток од лушпи од лук – народен рецепт против алергии и кашлица

Дали секогаш кога подготвувате јадење со лук, ги фрлате неговите лушпи? Кога ќе дознаете колку се навистина здрави, што содржат и кои тегоби можете да ги ублажите со нив, веројатно во иднина ќе престанете да го правите тоа. На овој начин, ќе го намалите и отпадот, а ќе добиете и одличен народен лек.

Лукот, како и неговата кора, илјадници години се користат во народната медицина како природен лек за ублажување на разни здравствени проблеми.

Освен што се смета за еден од најдобрите природни антибиотици, лукот има и силни антиканцерогени ефекти, особено ако го јадете сиров и ако добро го џвакате.

Неговите лушпи не заостануваат во однос на здравствените придобивки. Ако печете или пржите лук, оставете ја кората на него, тоа дефинитивно ќе го подобри вашето јадење.

Меѓутоа, ако го излупите, зачувајте ја лушпата за подготовка на здрав напиток или чај.

Благодарение на антиоксидантното соединение алицин, кората го има и оној интензивен и препознатлив мирис каков што го има самиот лук, а исто така е многу здрава.

Кожата од лукот е богата со витамини А, Ц и Е, калиум, калциум, фосфор и други антиоксиданти и флавоноиди.

Напитокот направен од лушпи ќе ви помогне не само да ги ублажите алергиите и кашлицата, туку и да ја подобрите убавината на вашата кожа. Но, тоа е само мал дел од придобивките од овие моќни лушпи.

Совет: секогаш користете ја кората од локален или органски лук што не е третирана со штетни пестициди.

Напиток од кора од лук – рецепт

Сварете еден литар вода и во неа додадете една рака лушпи од лук. Оставете да отстојат 6-8 часа бидејќи напивката се пие ладна.

Се препорачува да се пијат 4 чаши од овој напиток секој ден во текот на еден месец.

Ќе забележите големи промени во вашето тело.

Покрај тоа што симптомите на алергија и кашлица ќе исчезнат, вашата кожа ќе биде подмладена, а има и бројни други придобивки.

Придобивките од лушпите од лук

1. Делуваат против алергии

Лушпите од лук содржат одличен антихистамин кверцетин, растителна состојка која има моќно антиалергиско дејство.

И познатиот д-р Аткинс на своите пациенти им препишувал кверцетин како ефикасен природен лек за алергии.

Лушпите од лук се богати и со фенилпропаноиди, кои имаат силни антиоксидантни и антиканцерогени својства и го зајакнуваат имунитетот.

2. Помагаат при кашлица и болки во грлото

Со консумирање на пијалак или чај направен од лушпи од лук, дефинитивно ќе делувате против непријатната кашлица.

Напитокот можете да го користите за гаргара или за плакнење на болното грло и за ублажување на кашлицата.

Благодарение на неговите антиинфламаторни својства, пијалакот направен од лушпи од лук ќе ги ублажи симптомите на болки во грлото.

3. Заштитува од болести на срцето и крвните садови

Освен што делува како антихистамин, веќе споменатиот кверцетин е одличен и за превенција од кардиоваскуларни заболувања.

Познато е дека ризикот од срцев или мозочен удар, како и затнување на крвните садови, е значително помал кај луѓето кои консумираат големи количини од оваа билна состојка.

Лушпите од лук содржат и флавоноли, кои помагаат во намалување на крвниот притисок и спречување на формирање на опасни згрутчување на крвта.

4. Ги ублажуваат иритациите и го подобруваат изгледот на кожата

Лушпите од лук ќе помогнат да се зачува здравјето и убавината на кожата.

По редовно консумирање на овој напиток, вашата кожа ќе добие здрав и сјаен изглед.

Освен тоа, лушпите од лук ја смируваат иритираната и воспалена кожа.

Можете да ја намачкате кожата со напиток направен од лушпите, кој има антимикробно, антиинфламаторно и антигабично дејство, да ја оставите да делува околу 10 минути, а потоа да ја измиете.

5. Ги ублажуваат мускулните грчеви

Слично на лушпите од кромид, лушпите од лук варени во вода помагаат при непријатни грчеви во мускулите.

Подгответе го чајот така што ќе ги варите лушпите во вода околу 10 минути. Процедете и пијте го пред спиење.