Направете сами сируп од лук
Овој народен лек се прави многу лесно, а има повеќекратни придобивки за имунитетот и за општото здравје на човекот.
Многупати сме пишувале за придобивките од лукот. Тој е наш неисцрпен извор на народни лекови за различни проблеми. Така и овој сируп има повеќекратна употреба. Се користи за регулирање на крвниот притисок, зајакнување на имунитетот по и за време на болест, подготовка и зајакнување на телото за време на сезоната на настинки и грип, намалување на нивото на холестерол во крвта, ублажување на симптомите на астма, бронхитис и други респираторни заболувања, ублажување на симптомите на гастритис и за забрзување на метаболизмот.
Состојки:
350 гр домашен лук
200 мл алкохол (без метанол)
Приготвување:
Излупете го лукот и исечкајте го на големи парчиња. Истурете го во претходно стерилизирана чаша. Додадете медицински алкохол и кратко измешајте. Затворете ја чашата, оставете ја на страна и не ја отворајте десет дена.
Потоа процедете го сирупот, вратете го во чашата и ставете го во фрижидер.
Употреба:
Додадете две капки сируп во чаша вода. Пијте пред појадок, ручек и вечера. Не го консумирајте овој сируп повеќе од две недели.
По тој период направете пауза од една недела, а по потреба може да ја повторите терапијата.
Напомена: Народните препарати не се лекови, туку служат за ублажување на можните тегоби. За какви било здравствени проблеми што ги имате, задолжително консултирајте се со вашиот лекар.