За земја која на прво место ја става слободата на личноста, Америка има релативно долг список на јадења што не се легални за јадење.
Во домот на храбрите и во земјата на слободните, зачудувачки, не ни е дозволено да јадеме сè што сакаме. За земја која на прво место ја става слободата на личноста, Америка има релативно долг список на јадења што не се легални за јадење, од кои многу се сметаат за деликатеси во други земји. Значи, ако сакате да го вкусите многу ценетото (иако контроверзно) сирење од Сардинија, националното овошје на Јамајка или едно од омилените улични јадења во Тајван, во Америка, освен ако некој има контакти на црниот пазар, тоа не е возможно.
Еве кои 10 намирници се официјално забранети во Соединетите Држави.
Аки овошје
Што е тоа: Овошје кое е светло црвено кога е целосно созреано и содржи три или четири делови „месо“ прекриени со сјајни црни семиња
Од каде е: Од Јамајка. Тоа е всушност нивно национално овошје.
Зошто е забрането: Незрелите и нејадливи делови од аки се отровни и можат да предизвикаат „јамајканска болест на повраќање“, известува The Science Creative Quarterly. Симптомите на болеста предизвикана од овошјето вклучуваат тешко повраќање, дехидрација, напади и кома. Почнувајќи од 2005 година, легален е увоз на конзервирано овошје од аки кое ги исполнува неверојатно строгите прописи на ФДА.
Хагис
Што е тоа: Еден вид на пудинг, направен од срцето, црниот дроб и белите дробови на овца, заедно со овесни снегулки, лој (сирова говедска маст) и зачини. Сите состојки се ставаат во стомак од овца и потоа се варат.
Од каде е: Шкотска
Зошто е забрането: Иако црниот дроб и срцето на овците се совршено легални, белите дробови на овците (клучната состојка на хагис) не се, пренесува BBC News. Секако, можете да го направите без бели дробови (и некои луѓе го прават тоа), но тоа е како да правите пица без сирење – едноставно не е исто.
Кралицата на школките
Што е тоа: Голем морски полжав
Од каде е: Карипските острови
Зошто е забранет: Поради сериозни проблеми со прекумерниот риболов, увозот на кралицата, мртва или жива, од многу карипски острови (имено Хаити и Гренада) е строго забрането, пренесува Бон Апетит. Низ Карибите и во одредени кујни од Источна Азија, Queen conch е неверојатно популарна состојка во прженици, чорби, кари, салати.
Мирабел сливи
Што е тоа: Мали, слатки, жолти сливи
Од каде е: Лорен, Франција
Зошто е забрането: Тие не се забранети затоа што законодавците мразат сливи. Според Bon Appetit, тие се забранети бидејќи вистинските Mirabelles се одгледуваат само во Лорен, Франција и законите за увоз го прават речиси невозможно да се набават во Соединетите држави.
Лебеди
Што е тоа: Бела птица која е слична со гуските и патките. Исто така, главен лик во приказната Грдото пајче.
Од каде е: Умерена клима, најчесто Велика Британија или САД
Зошто е забрането: Лебедите се загрозен вид. Исто така е забрането да се јадат во Велика Британија, бидејќи кралското семејство ги поседува сите, објави Официјалната веб-страница на Британската монархија.
Кавијар од дива белуга
Што е тоа: Икрата (јајцата) од белуга, како и најценетиот кавијар во светот
Од каде е: Каспиското Море
Зошто е забранета: Јесетра белуга се смета за критично загрозен вид, а САД ставиле забрана за увоз во 2005 година. Потребни се речиси 20 години за јесетра белуга да достигне зрелост, што ја прави неверојатно ретка. Цените, во зависност од видот на јесетрата Белуга, се движат од 7.000 долари за килограм до над 40.000 долари за килограм за икрата на најреткиот вид јесетра Белуга, стогодишната женка.
Касу Марзу
Што е тоа: Традиционално сирење од овчо млеко преполно со живи црви (намерно)
Од каде е: Сардинија
Зошто е забрането: Па, преполно е со живи црви што прекршува цела низа здравствени прописи. Сепак, се смета за деликатес во Сардинија. Сирењето се создава така што се дозволува сирењето Пекорино да ферментира, што резултира со наезда од црви кои всушност помагаат да се омекне текстурата на сирењето. Тоа всушност се смета за небезбедно за консумирање од страна на љубителите кога црвите во сирењето се умрени и затоа мора да се консумира кога сѐ уште се живи.
Колач од свинска крв
Што е тоа: Мешавина од крв од свиња и ориз на стапче за сладолед
Од каде потекнува: Тајван
Зошто е забранета: USDA ја забрани оваа популарна тајванска улична храна – која е слична на црн пудинг – сметајќи дека начинот на подготовка е нехигиенски. Јадењето останува многу популарно во многу азиски земји, но најзастапено е на ноќните пазари во Тајван.
Оригинално Four Loko
Што е тоа: пијалaк од слад/енергетски пијалaк преполн со алкохол, кофеин, таурин и гуарана, сервиран во различни вкусови со висока содржина на шеќер, некогаш популарен кај малолетниците.
Од каде е: Од добрите стари Соединети Американски Држави
Зошто е забрането: FDA се налути поради законските, етичките и здравствените опасности од комбинирањето на неверојатно високи количини на кофеин и алкохол. Four Loko, именуван по четирите главни состојки – алкохол, кофеин, таурин, гуарана – отстрани три од неговите „локоси“ и во лименките кои се достапни денес останува само алкохолот.
Киндер јајца
Што е тоа: Чоколадни јајца направени од обвивка од млечно чоколадо која има долна страна обложена со слој од бело чоколадо и шуплива средина со мала играчка внатре. Тоа е веројатно најдоброто германско слатко на сите времиња.
Од каде е: Германија
Зошто е забрането: Владата на САД ги смета за опасност од гушење, известува CNN, што е навистина прилично бедно објаснување. Тие се во основа она што „судбинските“ колачи со пораки се стремат да бидат – вкусни и исполнети со среќа, а не обично парче хартија.