Зошто морнарскиот грав им се препорачува на луѓе со колоректален карцином

Колоректалниот карцином, т.е. ракот на дебелото црево и ракот на ректумот, не секогаш покажуваат симптоми во раните фази, туку се откриваат само во напредна фаза.
Морнарскиот грав се покажал како добра помош за превенција од колоректален карцином, но и за подобрување на здравјето на преживеаните од овој тип на рак. Истражувачите неодамна открија дека додавањето грав во исхраната на преживеаните од колоректален карцином помогнало да се подобри нивниот цревен микробиом, што може да помогне и во превенција и лекување на рак.

Колоректалниот карцином обично се открива во доцна фаза

Колоректалниот карцином, кој ги зафаќа дебелото црево и ректумот, е трет најчест карцином по број на пациенти и е излечив во најраните стадиуми. Сепак, повеќето случаи се откриваат кога туморот е веќе напреднат бидејќи колоректалниот карцином не секогаш покажува симптоми во рана фаза. Само околу 3 до 4 од 10 (35,5 проценти) колоректални карциноми се дијагностицираат во најраната фаза, кога болеста може да се локализира.

Помеѓу 7 и 29 проценти од луѓето третирани за колоректален карцином доживуваат повторување во рок од 5 години. Иако не е можно целосно да се спречи колоректалниот карцином, претходните студии покажуваат дека редовната физичка активност, одржувањето на здрава тежина и изборот на одредена храна може да помогне.

Што е морнарски грав?
Истражувачите од The University of Texas M.D. Anderson Cancer Center, откриле дека додавањето на мешунката, позната како морнарски грав, значително влијае на цревниот микробиом на преживеаните од колоректален карцином. Морнарскиот грав е помал вид на грав кој има поситно, млечно бело семе. Има нежен, благ вкус и густа текстура, а во споредба со другите видови грав, потребно е помалку време за готвење (до 45 минути).

Додека другите видови грав, грашок и леќа имаат нутриционистички профили кои исто така веројатно го стимулираат цревниот микробиом, д-р Кери Даниел-Мекдугал, професор по епидемиологија на The University of Texas M.D. Anderson Cancer Center и водечки автор на студијата, вели дека била особено инспирирана од наодите во раните претклинички и лабораториски студии кои конкретно го тестирале ефектот на морнарскиот грав врз комбинацијата на дебелина, воспаление и колоректален карцином.

Морнарскиот грав го намалува ризикот од рецидив на напреднат колоректален аденом

Оваа голема студија покажала дека учесниците со најголемо зголемување на потрошувачката на морнарско гравче – дневно или неделно – имале помал ризик од рецидив на напреднат колоректален аденом, тип на преканцерозен и високоризичен полип кој е многу веројатно да напредува во колоректален карцином ако остане неоткриен веднаш по колоноскопијата и ако целосно не се отстрани“, објаснила д-р Даниел-Мекдугал.
Во текот на студијата, морнарскиот и црниот грав биле најчесто консумираните видови мешунки. Морнарскиот грав им бил помалку познат на учесниците во студијата, но неговиот благ вкус го направил посоодветен за тестирање на контролиран и конзистентен начин во текот на 8 недели.

Зошто гравот е добар за луѓето кои имаат или преживеале колоректален карцином?

Секојдневното консумирање на грав го подобрува цревниот микробиом, тврдат истражувачите.
За оваа студија, д-р Кери Даниел-Мекдугал и нејзиниот тим анализирале 55 учесници во студијата на возраст над 30 години (и машки и женски) кои имале историја на лезии на дебелото црево, историја на колоректален карцином и/или биле изложени на висок ризик за преканцерозни полипи, вкупно 48. Осум недели од учесниците се барало или да ја следат нивната нормална исхрана или да додадат шолја морнарски грав секој ден.
Истражувачите откриле дека учесниците кои секојдневно консумирале грав доживеале позитивни промени во нивниот цревен микробиом. Овие промени вклучувале зголемување на разновидноста на алфа или корисни бактерии – Faecalibacterium, Eubacterium и Bifidobacterium, додека бројот на патогени бактерии се намалил.

Каква е врската помеѓу здравјето на цревата и колоректалниот карцином?

Д-р Кери Даниел-Мекдугал нагласува дека е важно преживеаните од колоректален карцином да имаат урамнотежен микробиом на цревата бидејќи тој директно комуницира со епителот на дебелото црево каде што се развива овој рак.

Овој „вкрстен разговор“ помеѓу човечките клетки и микробите е тесно поврзан со имунолошкиот систем, кој може или да спречи или да предизвика воспаление, како и развој и прогресија на ракот, посочува д-р Даниел-Мекдугал и наведува дека улогата на цревниот микробиом кај колоректалниот карцином е многу важна, потсетувајќи дека студијата објавена во јули 2023 година покажала дека цревниот микробиом може да биде цел на микробиолошка терапија против колоректалниот карцином. Истражувањето од 2020 година покажало дека цревниот микробиом на една личност кој се формира со исхраната може да помогне да се спречи развојот и прогресијата на колоректалниот карцином и да се подобри ефикасноста на антитуморната терапија.