Маж од Тексас доживеал симптоми слични на срцев удар откако испил премногу вода.
Џон Путнам (74) работел како пејзажир, односно, уредувач на градини, во јуни кога температурите достигнаа 37,7 ˚C.
Кога го косел својот втор тревник во денот, г-дин Путнам веќе бил толку жеден што испил речиси 11 литри вода во рок од пет часа, пишува Дејли Мејл.
Меѓутоа, го совладале мачнина и замор, а вечерта почувствувал болка во градите и имал проблеми со дишењето.
Тој бил итно пренесен во болница поради, како што верувал, срцев удар.
Всушност, тој претрпел труење со вода, што може да се појави од премногу вода во телото и премалку натриум.
„Не ни знаев дека постои такво нешто“, изјавил г-дин Путнам за Вол Стрит Журнал ( Wall Street Journal).
„Постојано пијам вода мислејќи дека е тоа она што ми треба“, додава тој.
Инцидентот се случува околу една година откако мајката Ешли Самерс (35) од Индијана починала откако испила речиси 2 литри вода за само 20 минути.
Научниците велат дека труењето со вода, познато како хипонатремија, е се почеста појава поради зголемувањето на топлотните бранови.
Истражувањата сугерираат дека оваа состојба погодува помеѓу три и шест милиони Американци секоја година, или барем еден од 100 луѓе.
Хипонатремијата се јавува поради пиење премногу вода во краток временски рок, што предизвикува преоптоварување на органите, односно, на бубрезите.
Во нормални услови, бубрезите го филтрираат вишокот вода и отпад, создавајќи урина.
Д-р. Тандер Џалили, професор по исхрана и интегративна физиологија на Универзитетот во Јута, изјавил за Вол Стрит Журнал (Wall Street Journal) дека бубрезите нормално можат да филтрираат по еден литар вода секој час.
„Кога пиете повеќе од еден литар вода на час, тогаш ризикувате потенцијално разредување на електролитите“, вели тој.
Ова вклучува натриум, кој е од витално значење за регулирање на количината на течност во телото, но премалку од него предизвикува собирање на водата околу клетките на телото.
Клетките потоа отекуваат, што во потешки случаи, како кај г-дин Путнам, може да доведе до симптоми слични на срцев удар, како што е болка во градите.
Хипонатремија: симптоми и што да се прави
Д-р Дарија Вранешиќ Бендер, клинички нутриционист коментира што се случува кога некој ќе се предозира со вода.
„Во позадината на предозирањето или интоксикацијата со вода се крие хипонатремија, односно намалување на натриумот или солта во крвта.
Симптомите кои се јавуваат при ниско ниво на натриум во крвта се главоболка, замор, мачнини, често мокрење и ментална дезориентација.
Централните органи кои ја контролираат циркулацијата на водата и солта во телото се бубрезите. Во ситуација кога човекот внесува премногу вода за краток временски период, бубрезите не можат доволно брзо да ја елиминираат и крвта се разредува.
Поради разликата во концентрацијата на сол, водата го напушта крвотокот и навлегува во клетките, кои потоа отекуваат.
Повеќето телесни клетки имаат простор за проширување, што не е случај со мозочните клетки. Затоа, едемот на мозокот може да биде фатален. Брзата и изразена хипонатремија предизвикува водата да навлезе во мозочните клетки, што се манифестира со кома, респираторен застој и смрт“, објаснила Вранешиќ Бендер.
Симптомите на хипонатремија може да вклучуваат:
Мачнини и повраќање
Главоболка
Конфузија
Губење на енергија, поспаност и замор
Немир и раздразливост
Мускулна слабост, грчеви
Напади на кома
Кога да одите на лекар
Повикајте итна помош за секој кој развива сериозни знаци и симптоми на хипонатремија, како што се мачнини и повраќање, конфузија, напади или губење на свеста.
Повикајте го вашиот лекар ако знаете дека сте изложени на ризик од хипонатремија и имате гадење, главоболка, грчеви или слабост.
Во зависност од степенот и времетраењето на овие знаци и симптоми, вашиот лекар може да препорача да побарате итна медицинска помош.
Хипонатремијата, исто така, може да биде почеста кај постарите лица.
Според Клиниката Мајо, тоа е затоа што постарите пациенти имаат поголема веројатност да земаат лекови или да страдаат од состојби кои вообичаено го намалуваат нивото на натриум.
Тешка последица – едем на мозокот
Тоа било случајот и со Ешли Самерс, 35-годишна мајка на две деца, која испила четири шишиња вода од 500 мл за само 20 минути.
Нејзиното семејство рече дека се чувствувала дехидрирано, но не можела да се напие доволно вода за да ја задоволи жедта.
Кога се вратила дома од продолжен викенд, паднала во својата гаража поради тежок едем на мозокот.
Девон Милер, братот на г-ѓа Самерс, за локалните медиуми изјавил дека бил во неверување кога слушнал што се случило со неговата сестра.
„Тоа беше голем шок за сите нас. Мислев дека не е реално“, рекол тој.
Третманот на хипонатремија зависи од сериозноста на состојбата.
За благи случаи, лекарите може да го ограничат внесот на течности.
Сепак, потешките случаи може да бараат лекови за контрола на ниските нивоа на натриум или интравенска замена на натриум.
Според клиниката Мајо, жените треба да пијат околу 11,5 чаши вода дневно (2,7 литри), додека мажите треба да консумираат 15,5 чаши (3,7 литри).
Меѓутоа, ако вежбате на топло, целете кон еден до два децилитри на секои 20 минути, во зависност од интензитетот на вежбањето.