Аква де Јамајка (шпански: Agua de Jamaica) — традиционалниот освежителен пијалок од црвен цвет на хибискус — е природен извор на здравје. Еве ги најзначајните придобивки што ги потврдуваат најновите истражувања
Аква де Јамајка (од шпански Agua de Jamaica) е традиционален мексикански пијалок од црвен цвет на хибискус, со бројни докажани здравствени придобивки. Богат е со антиоксиданти и витамин Ц, го подобрува здравјето на срцето и бубрезите, ја смирува дигестијата, помага во контрола на тежината, ги поттикнува имунитетот и мозочната функција и има антиинфламаторно дејство.
Кога не е премногу засладена, водата од хибискус може да го поддржи здравјето на срцето, имунитетот, цревата и бубрезите, а воедно да ја подобри хидратацијата и да помогне при алергии и регулирање на телесната тежина.
Водата од хибискус, позната и како аква де Јамајка (традиционално се служи во Мексико и Централна Америка), е освежителен пијалак сличен на чајот од хибискус. Клучната разлика е што водата од хибискус се служи ладна и засладена, вели диететичарката Стејси Вудсон за Health.
Водата од хибискус има иста темноцрвена, розова боја како чајот од хибискус и е речиси исто толку лесна за подготовка. Само ги варите листовите од растението, потоа засладувате со шеќер или мед. Оставете да отстои околу два часа, процедете, изладете и измешајте со повеќе вода пред да ја послужите.
Еве зошто треба да пиете вода од хибискус.
Може да го поддржи здравјето на срцето
Водата од хибискус содржи витамин Ц, витамини од групата Б, калциум, магнезиум и антоцијанини – моќни антиоксиданти кои му ја даваат на хибискусот неговата препознатлива црвена нијанса. Други растителни соединенија што ги содржи вклучуваат флавоноиди како кемферитрин, катехини и кверцетин.
Овие моќни растителни соединенија имаат голем број здравствени придобивки, вклучително и подобрено здравје на срцето.
– Хибискусот го поддржува здравјето на срцето бидејќи може да ги намали факторите на ризик за срцеви заболувања, како што е покачениот LDL холестерол („лошиот“ холестерол), а се верува дека катехините ја инхибираат апсорпцијата на холестерол, вели регистрираната диететичарка Џесика Кленси-Строун.
Хибискусот, исто така, покажува импресивни антихипертензивни својства преку вазодилатација, дополнително намалувајќи го ризикот од срцеви заболувања.
Го подобрува здравјето на мозокот
Растителните соединенија во хибискусот се исто така добри за здравјето на мозокот.
– Антоцијанините во хибискусот се борат против воспалението и можат да го подобрат здравјето на мозокот, вели Вудсон. Кверцетинот во хибискусот е поврзан и со невропротективни придобивки, што сугерира дека може да помогне во спречувањето на невродегенеративни заболувања како Алцхајмеровата болест.
Може да помогне во зајакнувањето на имунитетот
– Хибискусот има одлични антиинфламаторни и антиоксидантни флавоноиди и фенолни соединенија, вели билкарката Рашел Робинет.
Намалувањето на воспалението и спречувањето на оксидативниот стрес како што се слободните радикали е клучно за здрав имунолошки систем. Дополнително, хибискусот е одличен извор на витамин Ц за имунолошкиот систем.
Може да го подобри здравјето на цревата
Водата од хибискус може исто така да го подобри здравјето на цревата.
– Антоцијанините во хибискусот го поддржуваат здравјето на цревата, намалувајќи го ризикот од чир на желудникот – потенцијално побезбедна алтернатива на одредени лекови за чир што се продаваат без рецепт, објаснила Кленси-Строун. Овие биоактивни соединенија се исто така добри за здравјето на цревниот микробиом и слузницата на цревата.
Може да ја поддржи здравата тежина
Кога се прави со мали количини на засладувачи, хибискусот може да послужи и како природна, нискокалорична алтернатива на шеќерните пијалаци и вештачки ароматизираните води. Ова е одлична вест за оние кои сакаат да ја контролираат својата тежина, но не сакаат да бидат ограничени само на пиење вода. Иако се потребни повеќе истражувања, постојат и докази дека хибискусот може да го подобри третманот на дебелината.
Може да помогне во борбата против алергиите
Водата од хибискус може исто така да помогне во ублажување на алергиите – сезонски или други.
– Докажано е дека хибискусот ги стабилизира мастоцитите (клетки што содржат имунолошки хемикалии како хистамин, хепарин, цитокини), што генерално ги намалува хиперактивните алергиски реакции на иританти. Користете го превентивно (на пример, шест недели пред сезонските алергии) или по потреба кога ќе се појави кивање, препорачува Робинет.
Може да го поддржи здравјето на бубрезите
Водата од хибискус може да го подобри и здравјето на бубрезите.
– Студија со употреба на суплементи со хибискус покажала подобрувања во бубрежните маркери како што се нивоата на уреа во крвта (BUN) и протеини (албумини) во урината, што укажува на заштитен ефект врз бубрезите, објаснила Кленси-Строун. Ова може делумно да се должи на диуретичните ефекти на хибискусот.
Истражувањата, исто така, сугерираат дека билката може да го поддржи третманот на инфекции на уринарниот тракт.
– Во клиничко испитување, хибискусот го зголемил излачувањето на урина и филтрацијата на бубрезите (клиренс на креатинин) дури и повеќе од лекот лизиноприл“, додадла Робинет.