Лекарка дава идеи како да ги искористите во секојдневните оброци
Здравата исхрана и доволно физичка активност не можат да го решат секој здравствен проблем, но сепак се многу моќна комбинација кога станува збор за здравјето на срцето. Кардиолозите долго време предупредуваат дека срцевите заболувања, кои се убиец број еден, можат во голема мера да се спречат.
Секој пат кога ќе донесете свесна одлука да јадете риба, зеленчук, овошје, јаткасти плодови и интегрални житарки, правите чекор напред во заштитата на здравјето на вашето срце. Но, покрај храната на вашата чинија, лековитите билки можат да играат важна улога и во одржувањето на здравјето на срцето. Во својата книга „Radical Longevity: The Powerful Plan To Sharpen Your Brain, Strengthen Your Body, and Reverse the Symptoms of Aging”, докторката и нутриционистка Ан Луиз Гитлман истакнува три билки чија секојдневна употреба е од голема корист за здравјето на срцето.
- Лук
Покрај богатиот вкус, лукот има мноштво својства што се здрави за срцето. Содржи голем број на микроелементи, вклучувајќи бакар, железо, цинк, магнезиум, германиум и, најзначајно, селен. Исто така, содржи сулфурни соединенија, витамини А и Ц, влакна и разни аминокиселини. Сè на сè, лукот има повеќе од сто биолошки корисни хемикалии, вели д-р Гитлман. Кога станува збор за здравјето на срцето, докажано е дека лукот помага во спречувањето на згрутчување на крвта и е поврзан со намалување на нивото на холестерол.
– Преферирам да користам гранули лук во моето готвење и го користам во скоро сè што готвам, вели д-р Гитлман, која го додава во салати, преливи, сосови и маринади, а го користи и за зачинување пилешко и црвено месо, тофу и зеленчук. Колку е поситно исечкан лукот, толку е посилен вкусот. Значи, ако сакате само благ вкус, додадете цело чешне, исечете го за посилен вкус и изрендајте го или згмечете го за поинтензивен вкус.
- Каенски пипер
Друга билка што е корисна за срцето е каенскиот пипер, кој е богат со антиоксиданти. Богат е со витамини Ц, Б, А и Е и содржи калциум, фосфор и железо. Каенскиот пипер е еден од најголемите извори на витамин Е, што е директно поврзано со намален ризик од развој на срцеви заболувања. Покрај тоа, каенскиот пипер е еден од зачините со најлут вкус, што е исто така она што го прави добар за срцето, според д-р Гитлман. Неговата лутина доаѓа од високата концентрација на капсаицин, супстанца што ја подобрува циркулацијата. Токму капсаицинот во каенскиот пипер му помага на срцето ефикасно да пумпа крв, го стимулира метаболизмот и ги чисти масните наслаги од крвните садови. Покрај тоа, кога се користи локално, каенскиот пипер има аналгетски ефект. Иако каенскиот пипер е вкусен во комбинација со зеленчук, д-р Гитлман претпочита да го додава во кафе.
- Глог
Глогот е помалку познат од кајенскиот пипер, но се препорачува за здравјето на срцето. Според д-р Гитлман, тој е билка број еден за срцето! Содржи моќни антиоксиданти и во своите цветови и во листовите и го штити здравјето на срцето на многу различни начини, првенствено со намалување на воспалението. Глогот за прв пат се користел за лекување на срцеви заболувања и зајакнување на срцевиот мускул во 1 век од н.е. Поради изобилството на антиоксиданти, помага во намалување на холестеролот, спречува таложење на плаки во артериите, го намалува крвниот притисок и ги шири коронарните крвни садови, што го подобрува протокот на крв и го зголемува снабдувањето со крв во срцето. Добар начин за консумирање глог е во форма на чај.