Ако сакате вашите компири да бидат секогаш крцкави, додадете ја оваа состојка
На Тик-Ток го откривме овој трик кој гарантира крцкави компири од рерна секој пат, а покрај масло и зачини, во компирот мора да се додаде и палента.
Нема ништо полошо од компири печени во рерна што треба да излезат убави, златно кафеави и крцкави, но на крајот да бидат се освен тоа.
Ако секој пат ви излегуваат така, веројатно не им додавате една состојка со која секогаш ќе бидат крцкави.
На Тик-Ток го откривме овој трик кој гарантира крцкави компири од рерна секој пат, а покрај масло и зачини, во компирот мора да се додаде и палента.
Рецепт со „тајната“ состојка која секој ја има дома
За почеток, излупете килограм компири, па излупените компири исечете ги на четвртинки. Компирите варете ги десетина минути, а додека се варат, во тавче или друг сад што можете да го ставите во рерна, истурете 160 мл масло.
Погрижете се садот да биде доволно голем за да ги собере компирите во еден ред, а потоа ставете го садот на 10 минути во рерна вклучена на 250 степени.
Исцедете ги компирите и додадете зачини по желба и една лажица палента и добро измешајте или протресете.
Потоа извадете го садот од рерна, ставете ги компирите и печете ги еден час на 220 степени, вртејќи ги компирите на секои 20 минути.
Вашите компири ќе бидат гарантирано крцкави.