Иако многумина мислат дека во блендерот можеме да ставиме сѐ што е меко и со соодветна големина, сепак не е така…
Си купивте блендер, го отпакувавте со насмевка, го измивте и почнавте да го користите. Во него правевте смути, сосови од варен зеленчук, крем супи, сечкани јаткасти плодови, сечкан магдонос… И сега, по кратко време, веќе не функционира како на почетокот и како што би сакале?
Иако не размислуваме за тоа, навистина има намирници кои не треба да се ставаат во блендер бидејќи ги тапат сечилата и го оптоваруваат моторот. Се случува, по честа употреба, оваа моќна кујнска алатка повеќе да не работи како што работела кога била нова. Ако ви се случи ова или ако ви се случило еднаш и не сте биле свесни што правите погрешно, можеби ќе ви помогне листата на намирници кои не треба да се ставаат во блендер. Тие беа наведени од порталот realsimple.com.
Топла течност и топла намирници
Иако многу рецепти велат дека за да подготвите сос или крем супа, сварените состојки треба да ги ставите во блендер, добро размислете пред да го направите тоа. Имено, не е погрешно ако тоа го правите кога храната ќе се олади, но ако ја ставите жешка на сечилата на блендерот само значи дека брзо ќе стане отапат, слично како и со миењето ножеви во врела вода.
Зрна кафе
Технички би можеле да користите блендер како мелница за кафе, но тоа не е многу мудро, а еве зошто. Прво, кога зборуваме за „здравјето“ на овој кујнски апарат, тврдите зрна кафе со текот на времето ќе ги затапат и сечилата на блендерот. И второ, вашето кафе никогаш нема да се меле толку фино како во мелница за кафе. Затоа, многу е подобро да се инвестира во мелница, отколку наскоро да се фрли блендерот или скапо да се плати за неговата услуга.
Сушено овошје
Свежото овошје и блендерот се „пријатели“, но со сувото овошје е поинаква приказна, бидејќи кората е сува, а текстурата цврста и леплива. Тоа значи дека голема е веројатноста да се фати на сечилото на блендерот, што, доколку го оставите да работи предолго, може да доведе до прегревање на апаратот. Затоа, доколку во рецептот пишува дека во сосот треба да користите суви сливи, смокви или на пример урми, ставете ги прво да се сварат.
Варен компир
Ова ќе биде изненадување за некои, но ставањето варени компири во блендер, без разлика колку ситно ќе се сечат и колку долго се варат, е големо не! За многу кратко време, скробот и течноста ќе создадат гумена текстура која ќе се залепи за ѕидовите на сечилата и ќе го напрега моторот на блендерот. Верувајте, за да подготвите совршено свиленкасто и мазно пире од компири, секогаш користете алатка за пасирање со доволна количина путер и/или павлака и млеко.
Бадеми (и други јаткасти плодови)
Ако сте од оние кои сами подготвуваат бадемово млеко, но во него ставаат цели бадеми, внимавајте. Целите јаткасти плодови можат трајно да го оштетат вашиот блендер. Затоа, кога правите млека од јаткастите плодови натопете ги во вода за да омекнат пред да ги ставите во блендер. Ако ви требаат ситно мелени јаткасти плодови како бадеми, ореви или индиски ореви за салати или десерти, подобро (и поевтино) е грубо да ги исечкате со нож.
,
Мраз
Пред да викате дека тоа е правило кога подготвувате смути, почекајте. Имено, слично како кај зрната кафе, мразот не треба да се става во блендерот бидејќи може да го оштети уредот и да ги затапи сечилата. Но, тоа е вистина кога во него ставате само мраз! Имено, исклучок е кога се прават смути и каши, бидејќи другите, пред сѐ, течни состојки, ќе му помогнат на блендерот да го скрши мразот. Сепак, внимавајте да не го преоптоварите блендерот со големи количини мраз.