Кељ и кефир против замастен црн дроб

Црниот дроб е главниот орган за детоксикација на телото.

Кога црниот дроб ќе се „разболи“, може да помине долго време пред да се појават симптомите. Алкохолното и безалкохолното масно заболување на црниот дроб се две заболувања на црниот дроб кои, доколку не се лекуваат, може да преминат во цироза.

Зголеменото ниво на маснотии во црниот дроб може да доведе до поголем ризик од значајни здравствени проблеми, вклучувајќи дијабетес, хипертензија и бубрежни заболувања.

За оние кои веќе имаат дијабетес, безалкохолната масна болест на црниот дроб (NAFLD) може дополнително да ја зголеми веројатноста за компликации поврзани со срцето.

Д-р Ерик Берг, автор на бестселерот The Healthy Keto Plan, кој се специјализирал за здрава кетоза и повремен пост, споделил рецепт за напиток за „детоксикација“ што можете да го пиете секојдневно за најдобри резултати.

Тој ќе ви помогне да ги отстраните мастите од црниот дроб и да го намалите ризикот од цироза. е специјализиран за здрава кетоза и интермитентен пост.

Состојки (органски ако е можно):

2 шолјички кељ
1 шолјичка боровинки
1 шолјичка вода
1 шолјичка кефир од полномасно млеко

„Сите состојки измешајте ги во блендер неколку минути. Пијте еднаш дневно во комбинација со здрава кето диета и периодично постење“, објаснил Берг.

Лиснатиот зелен зеленчук како кељот може да го намали ризикот од специфични заболувања на црниот дроб. Кељот е полн со влакна, витамини, минерали и сулфурни соединенија кои придонесуваат за одржување на здравјето на црниот дроб. Содржи индол, природно соединение кое може да помогне во борбата против масни заболувања на црниот дроб.

Индолот се формира кога аминокиселината триптофан се разградува и има антиинфламаторни и антиканцерогени својства. Кељот исто така е преполн со соединенија кои можат да се врзат за жолчните киселини во дигестивниот тракт, помагајќи да се намали нивото на холестерол. Дополнително, готвењето на кељот на пареа може дополнително да ја зголеми неговата способност да ги врзува жолчните киселини.

Боровинките може да бидат добри за борба против замастен црн дроб бидејќи содржат антиоксидантни хранливи материи наречени полифеноли кои можат да помогнат во заштитата од NAFLD и да ги намалат ефектите од воспалението на црниот дроб.

Полифенолите во боровинките, исто така, можат да помогнат во промовирањето на автофагијата, механизам кој помага да се одржи рамнотежата на липидниот метаболизам во црниот дроб.

Водата ја разредува крвта, што го олеснува филтрирањето на црниот дроб и помага во исфрлањето на отпадот од телото, намалувајќи го оптоварувањето на бубрезите и црниот дроб.

Една неодамнешна студија покажала дека поголем внес на обична вода е поврзан со помал ризик од новодијагностициран NAFLD.

Кефирот содржи пробиотици кои можат да помогнат да се намали акумулацијата на маснотии околу црниот дроб.