Колач со рогач и јаболки: Останува сочен со денови!

Фото: Pexels
291

Дали знаевте дека овој колач може да биде исклучително вкусен и сочен дури и без јајца и млеко?

Станува збор за колач со рогач на кој се додаваат рендани јаболка, благодарение на кои колачот добива сочна текстура и останува свеж и вкусен со денови.

Колачот со рогач и јаболка е еден од оние старомодни колачи од кои целата куќа ви мириса убаво, а есента и зимата се идеални за негова подготовка и консумација. Со некој топол пијалак, веројатно ќе можете да ја прескокнете вечерата тој ден.

Но, дали знаевте дека може да биде исклучително вкусен и сочен дури и без јајца и млеко?
Во продолжение ви пренесуваме рецепт за најдобриот колач со рогач во веганска варијанта.

Количините се доволни за калап со димензии 30 x 24 цм.

Колач со рогач и јаболки
Состојки за бисквит:
200 гр мелен рогач
150 гр мазно пченично брашно
3 јаболки
80 гр шеќер
50 мл масло (може да биде сончогледово или кокосово масло)
20 гр какао
25 гр чиа семе
450 мл овесно млеко
1 прашок за пециво
1/4 лажичка сода бикарбона
половина лажичка сол
1 лажичка јаболков оцет или сок од лимон.
Состојки за прелив:
200 гр темно чоколадо
60 гр бадеми и/или кокосови снегулки

Приготвување:
Земете 200 мл од вкупното количество млеко и натопете го чиа семето околу 20 минути, за тоа време излупете ги и изрендајте ги јаболката и поросете ги со шеќер.
Измешајте ги сувите состојки – мелен рогач, брашно, какао, прашок за пециво, сода бикарбона и сол.
Во друг сад измешајте масло, млеко и јаболков оцет, додадете го натопеното чиа семе и убаво измешајте.
Соединете ги сувите и влажните состојки, брзо измешајте за убаво да се соедини смесата, додадете ги ренданите јаболка, измешајте и истурете во плех кој претходно сте го обложиле со хартија за печење.
Се пече во загреана рерна на 200°C 25-30 минути во зависност од рерната. Бисквитот мора да биде сочен, но и добро испечен.
Растопете го чоколадото и прелијте го уште топлиот бисквит и поросете со сечкани бадеми.
Колачот е најдобар кога се служи добро изладен, потоа се чувствуваат сите негови вкусови и ароми, а ќе остане вкусен и сочен до пет дена во фрижидер.

Совет:
Секогаш кога ќе направите рецепт во кој имате сода бикарбона и киселина како јаболков оцет или лимон, важно е да знаете дека со спојување на овие две состојки, содата веднаш се активира, а потоа колачот треба да се стави во рерна што е можно поскоро. Во спротивно, неговиот ефект ќе престане и нема да го постигнете она поради што сте ги ставиле во рецептот. Затоа обично ги мешаме одделно сувите и влажните состојки и ги соединуваме во последен момент.