Дали сакате да грицкате нешто вкусно и здраво? Пробајте го овој лесен рецепт за чипс од банана и јаболка
Во продавница можете да купите чипс од јаболка и банана, но можете да ги направите и сами на многу едноставен начин. Оваа здрава закуска е идеална за филмски маратони кога ви се допаѓа да грицкате, а не сакате тоа да биде мрсен чипс или во оној период од денот кога ќе добиете желба за нешто слатко.
Состојките можете сами да ги контролирате, но во повеќето случаи не ви треба ништо друго освен јаболко и зрела банана. За овие слатки, органски и крцкави грицки, рерната ќе го заврши најголемиот дел од работата, а сѐ што треба да направите е да го исечкате овошјето и да го ставите во тепсијата.
Состојки:
2 јаболка
2 зрели банани
Цимет (по избор)
Приготвување:
Загрејте ја рерната на 90˚C, а тавата обложете ја со хартија за печење. Јаболката и бананите исечкајте ги на тенки кришки со лупачот или со остар нож и ставете ги на хартија за печење. Ако сакате, поросете го овошјето со цимет.
После тоа, ставете ја тавата во загреаната рерна и печете половина час. Јаболката ќе станат крцкави пред бананите, затоа проверете ги по половина час. Бананите може да се печат и до половина час подолго, во зависност од нивната дебелина. Оставете ги парчињата да се изладат, а потоа префрлете ги во херметички сад и изедете ги во рок од една недела.