Можеби досега сте слушнале дека не треба да јадете јаболка, како и некое друго овошје навечер или после 18 часот. Дали ова мислење е точно или не?
Јаболката се извор на антиоксиданти, витамини, минерали, влакна и други корисни состојки. Сигурно нема да погрешите ако одлучите да го започнете денот со јаболко.
Меѓутоа, во кое време од денот е најдобро да се јаде јаболко?
Има толку многу различни сорти и вкусови што е речиси невозможно да ви здосади.
Сепак, дали сте слушнале дека не е добро да јадете јаболка или кое било друго овошје после 18 часот?
Зошто треба да избегнувате јаболка навечер?
Природните киселини во овошјето влијаат на лачењето на стомачната киселина и предизвикуваат непријатност, пренесува The Sun.
Тие исто така можат да предизвикаат дигестивни проблеми, што ќе ви го уништат сонот.
Затоа најдобро време за јаболко треба да биде наутро.
Сепак, оваа информација не е поткрепена со студија и, како што пишуваат на healthline.com за најдоброто време за јадење овошје, тука навистина нема логика.
Некои извори исто така наведуваат дека храната богата со шеќер, вклучително и овошјето, предизвикува скок на шеќерот во крвта и тоа треба да го поттикне дигестивниот систем.
Секоја храна која содржи јаглени хидрати предизвикува привремено зголемување на шеќерот во крвта. Но, дигестивниот систем е секогаш подготвен за работа – во моментот кога храната ќе ви го допре јазикот, без оглед на времето од денот, пишуваат на гореспоменатата страница.
Што се случува по 14 часот?
Овошјето или која било друга храна која содржи јаглени хидрати го зголемува нивото на шеќер во крвта. Ако му се препуштите подоцна во текот на денот, телото не може да го стабилизира шеќерот во крвта пред спиење, што доведува до зголемување на телесната тежина.
Сепак, и во овој случај нема доволно докази за да се потврди дека шеќерот во крвта по 14 часот се зголемува значително повеќе од вообичаено поради одредени намирници.
Исто така, нема докази дека уживањето во овошјето во попладневните часови негативно ќе влијае на вашата тежина. Секако, зборуваме за умерено консумирање, под претпоставка дека се храните здраво.
Многу фактори одредуваат дали енергијата од храната ќе се користи правилно или ќе се складира како маснотии, но избегнувањето на овошје по одреден час не е еден од нив, пишува City Magazine. Вистина е – овошјето е добро во секое време од денот. Во умерени количини, се разбира.
Затоа, доколку немате специфични дигестивни проблеми и нема други ограничувања, веројатно можете да си дозволите јаболко во секое време.
Во спротивно, како што знаете, доколку имате било какви проблеми со било што, секогаш консултирајте се со експерт.