Здружението за социјални иновации – АРНО го организираше доделувањето на наградите за нови идеи за социјални претпријатија, а за најдобри без избрани „Ребел“- производство на играчки, сувенири и мебел добиени од кабаст отпад и „Coffee mates“- иницијатива за собирање отпад од кафе за производство на органско ѓубриво и прототипирање на рамки за очила.
Во Центарот за социјални претпријатија во Скопје, здружението за социјални иновации – АРНО го организираше прогласувањето на победничките идеи од третата генерација на млади од проектот RISE (регионален инкубатор за социјални претприемачи).
Експертската жири комисија ги избра како најуспешни идеите „Ребел“- производство на играчки, сувенири и мебел добиени од кабаст отпад и „Coffee mates“- иницијатива за собирање отпад од кафе за производство на органско ѓубриво и прототипирање на рамки за очила.
За очила за сонце направени од талог од кафе слушнавме пред неколку години, кога тие беа дизајнирани од украинскиот бренд OCHIS, поточно, од извршниот директор на OCHIS Максим Хавриленко, кој експериментираше со различни растенија како нане, магдонос и кардамон, за конечно да го открие идеалниот природен материјал во талогот од кафе. Сега овие млади Македонци ќе го направат истото и покрај органско ѓубриво, од талог од кафе ќе направат и еколошки очила, а Македонија ќе има свој бренд на еколошки очила. Инаку, зелената индустрија користи талог од кафе и за производство на мебел, чаши, бои и биогорива, а ние, како кафеџиска нација, конечно ќе го искористиме она што останува од нашите лезетски кафиња.
И во ова издание на програмата, тимовите добиваат финансии во износ од 2500 евра и поддршка (менторство, обуки, настани за вмрежување) за развој на нивните идеи во втората фаза на инкубација. Победничките тимови ќе добијат и поддршка од студиото за графички дизајн „Контура“ кое за двете социјални претпријатија доделува пакет на брендинг услуги.
„Честитки за сите! Имаме три RISE генерации на млади од нашата земја кои сакаат преку бизнис
да решат проблем во нашето општество. Во времето во кое живееме, благодарни сме на овие 6
тима од генерацијата 2022/2023 кои покажуваат дека младите не се апатични, и дека социјалното
претприемништво има иднина. Тука сме сите да помогнеме. И ментори, и колеги, и институции, и
приватен сектор. Апелираме до сите за соработка. Овие два тима допрва ги чека работа во
инкубациската фаза, а другите се надеваме ќе продолжат во рамки на други програми кои ги
спроведува АРНО и други колеги“, изјави Марјан Ицоски, програмски менаџер во АРНО.
На завршниот настан се обратија и донаторите на проектот. Ирене Кетоф од Француската
амбасада ги поздрави младите и ги охрабри да продолжат да бидат активни граѓани и да
придонесуваат и кон зелената агенда и кон инклузијата. Во име на Регионалната канцеларија за
младинска соработка (РИКО) честитки за проектот и победниците упати Владимир Ѓорѓевски-
директор на локалната канцеларија, кој ја претстави улогата на РИКО и упати апел до младите да
ги користат сите поддршки кои им се пружаат.
Изборот на најдобри идеи го правеше независното експертско жири составено од Ратка Пемова-
Ептиса проект „Поддршка на социјалните претпријатија“, Игор Маџов – претседател на Стартап
Македонија и директор на инвестиции во Нест Груп, Александар Костадинов –РИКО/локална
канцеларија, Ленче Деспотовска – студио за графички дизајн „Контура“, Петрус Теунис-
меѓународен експерт за развој на граѓанскиот сектор. Третата RISE генерација на млади социјални
претприемачи доби поддршка од менторите: Катерина Златановска Поповска, Наталија Бургиева,
Сања Манчева, Љубомир Трајковски, Александра Лопарска Илоска и Софија Дацева.
Во овогодинешното издание учествуваа 7 тимови со 21 член од Скопје, Неготино, Македонски
Брод, Градско, Прилеп и Кичево, од кои 6 тимови презентираа пред жирито (Active Workplace,
Coffee Mates, Grasp, Medical Musroom Garden, Natural Revolution, Rebel).
Проектот RISE е предводен од конзорциум составен од Регионалната канцеларија за младинска
соработка (РИКО), ГРУПА СОС Пулс, Мрежа за млади на Југоисточна Европа (SEEYN), и Француско-
германската канцеларија за млади (ОФАЈ), а имплементиран од шест локални инкубатори – АРНО, Balkan Green Foundation, Nesto vise, Smart Kolektiv, IEC Tehnopolis и Yunus Social Business.
Проектот RISE е кофинансиран од Француската агенција за развој (АФД) и Регионалната канцеларија за младинска соработка (РИКО) и Еразмус плус програмата. АРНО е гордо што е избрано за локален инкубатор и национална структура која го спроведува 6 годишниот проект заедно со партнери од регионот.
Имплементиран од страна на шест локални инкубатори од Западен Балкан и координиран од
конзорциум на регионални и европски партнери, проектот RISE (Regional Incubator for Social
Entrepreneurs – „Регионален инкубатор за социјални претприемачи“) има за цел да го збогати
социјално-претприемачкиот екосистем на Западниот Балкан и да им овозможи на младите луѓе
да развиваат иновативни општествени решенија и со тоа да придонесат кон помирувањето и
соработката во регионот.
АРНО е гордо што е избрано за локален инкубатор и национална структура која ќе го
спроведува проектот заедно со партнери од регионот. Позитивната промена во Западен Балкан
е возможна, додека пак стабилноста и просперитетот можат да бидат постигнати само преку
негување на помирувањето и соработката во регионот.
Станува збор за продолжение на проект кој започна 2019-та година и ќе се имплементира до
2025-та година во шесте држави кои го сочинуваат регионот на Западен Балкан.
Повеќе информации за проектот можат да се најдат на www.risewb.org, како и на профилите
на Facebook, Instagram и Linkedin.