Ова е најздравата билка на светот! Го зајакнува имунитетот, штити од рак, вируси и бактерии, а можете да ја имате и во вашиот двор

Малите, темно сини бобинки од аронија се најздравата храна во светот. Релативно непозната до пред неколку години, оваа била почна сè повеќе да се одгледува и кај нас. Нејзината потрошувачка е зголемена низ целиот свет по откривањето на бројните, неверојатни здравствени придобивки. Аронијата има антиканцерогено и антиоксидантно дејство врз човечкото тело, полна е со железо, витамини и минерали, а само мала количина дневно е доволна за подобрување на здравјето. Во продолжение дознајте зошто аронијата е најздравото растение во светот!

Што е аронија, каде расте и како се одгледува?
Аронијата е повеќегодишна листопадна грмушка родена во Северна Америка, а нејзините плодови се темно сини бобинки кои наликуваат на боровинки. За разлика од слатките боровинки, тие имаат опор и кисел вкус, па најчесто се консумираат во вид на сок, чај, џем или сируп. Лесно се одгледува бидејќи нема природни непријатели, како штетници, кои би ги нападнале нејзините лисја и плодови. Затоа никогаш не се прска со никакви хемикалии, туку расте сосема природно и еколошки и е отпорна на студ и на мраз. Плодовите доаѓаат кон крајот на летото, односно, на крајот на август и на почетокот на септември, а бобинките можат да останат на грмушката до два месеци. Значи, допрва не очекуваат годинешните свежи бобинки на аронијата, а дотогаш, можете да најдете и замрзнати.

Како ова растение се рашири низ светот и од каде потекнува?
Растението потекнува од Канада, а неговите лековити својства се откриени во седумдесеттите години на минатиот век. Како вредна храна и лековито растение, одамна е познато кај американските Индијанци кои мелеле суви бобинки од аронија и ги додавале во своите оброци. Свежото овошје се користело за стомачни проблеми, настинки и грип, а од листовите се правел окрепувачки чај. Не е чудно што е откриена токму во Канада, бидејќи аронијата најдобро расте во региони каде што зимите се долги и студени, а летата се благи. Затоа набрзо почнала да се одгледува во Шведска, Финска и Русија, а подоцна и во целиот свет.

Зошто е добра за здравјето на човекот и како треба да се консумира?
Аронијата има многу лековити својства. Го чисти човечкото тело од штетни материи и е корисна превенција против полесни и потешки заболувања. Истражувањата покажаа дека има и антиканцерогени својства бидејќи ги штити здравите клетки, го забавува стареењето на телото и го спречува развојот на хронични болести. Често се конзумира и кога болеста веќе се појавила бидејќи може да ги олесни симптомите и да помогне во борбата против истата. Според некои приказни, по нуклеарната катастрофа во Чернобил, бобинки од аронија биле користени за ублажување на здравствените проблеми на озрачените луѓе!

Докажано е дека го подобрува имунитетот, го намалува воспалението, ја штити кожата и очите…
Докажано е дека аронијата го подига целокупниот имунитет на организмот. Го намалува воспалението и го спречува развојот на бактериски и вирусни инфекции, ги ублажува мигрените и главоболките, одлично делува на циркулацијата, цревната слузница и желудникот. Содржи големи количества бета каротен кој ја штити кожата и очите, а ја регулира работата на панкреасот и нивото на шеќер во крвта, па затоа се препорачува и за дијабетичари.

Напомена: Ако имате двор, можете да си ја насадите. Првата берба може да ја очекувате за две до три години, а со соодветна грижа по 9 години можете да сметате на 15 килограми овошје годишно од само една билка.