Овој десерт без шеќер освежува подобро од сладолед, а кога го јадете освен што уживате во вкусот, уживајте и во сознанието дека станува збор и за здрав десерт
Кога ќе дојдат топли денови, најдобри се студените, освежителни задоволства.
А уште подобро е ако се подготвуваат брзо и се нискокалорични.
Таков е колачот со авокадо и лимета.
Ако сакате сирови деликатеси, овој рецепт сигурно ќе ве интересира.
Ова е мини торта за 4-6 луѓе, а се подготвува едноставно и брзо.
Подобро освежува дури и од сладолед.
Состојки:
1 шолја бадеми
6-7 урми
2 лажици кокосово масло
кора од 1 лимон
1 зрело авокадо
1 чаша ореви
ванила
1/4 чаша стопено кокосово масло
кора од лимон и сок од 2 лимета
3 лажици сируп од агава
Приготвување:
Во блендер ставете ги бадемите, урмите, 2 лажици кокосово масло и кора од лимон и пулсирајте додека не добиете структура на лепливи трошки.
Смесата истурете ја во мал калап обложен со хартија за печење и добро притиснете со рака.
Можете да одвоите дел од смесата за подлогата и од неа да направите топчиња кои ќе ги користите за декорација.
Останатите состојки измешајте ги во блендер, прво полека, а потоа зголемувајте ја брзината додека не добиете мазен крем. Намачкајте го кремот врз подлогата и декорирајте со парчиња лимета. Тортата ставете ја во замрзнувач преку ноќ, а два часа пред послужување префрлете ја во фрижидер.