Семки од грозје за здрави крвни садови: Направете сами екстракт и подобрете си го здравјето

Фото: Freepik
545

Семките од грозје имаат 20 пати поголема антиоксидативна моќ од витаминот Е и дури 50 пати поголема антиоксидативна моќ од витаминот Ц.


Не можете да го замислите почетокот на есента без вкусно грозје на трпезата?

Но, дали знаевте дека освен самите зрна, исклучително здрави се и семките содржани во нив?

Меѓу другото, семките од грозје ги подмладуваат крвните садови и ги штитат срцето и мозокот.

Тие значително го намалуваат ризикот од срцев удар и затнување на крвните садови, како и формирањето на проширени вени. Тој ефект се должи на моќните антиоксиданти и флавоноиди.

На пример, во народната медицина, мелените семки од црно грозје се користеле за лекување на болести на срцето и крвните садови.

Бидејќи денес семките од грозје ретко се консумираат, нивниот екстракт и масло се достапни на пазарот како додатоци во исхраната, кои се сметаат за многу лековити.

Голема антиоксидативна моќ

Семките од грозје имаат 20 пати поголема антиоксидативна моќ од витаминот Е и дури 50 пати поголема антиоксидативна моќ од витаминот Ц.

Благодарение на ова, нивното консумирање може значително да го намали штетното влијание на слободните радикали во организмот, како и ризикот од рак и да ја стимулира детоксикацијата на организмот.

Бидејќи семките се малку поцврсти, најдобро е прво да ги исушите (можете и во рерна на 50 C) и потоа да ги смелете во прав – за ова ќе ви треба мелница за кафе или помоќен блендер.

За да ги искористите нивните придобивки, додадете мелени семиња во супи, смути, јогурт, брашно или салати.

Од семки од грозје можете да направите и лековит екстракт за крвните садови.

Домашен екстракт од семки од грозје за крвните садови

Состојки:

200 гр мелени семки од грозје
0,5 л ракија

Приготвување:

Во тегла ставете 200 гр мелени семки од грозје и прелијте ги со 0,5 л ракија.

Оставете на темно место еден месец. Протресете повремено.

По еден месец, можете да земате една кафена лажичка од екстрактот 2-3 пати на ден, пред јадење.

Овој екстракт е одличен лек за крвните садови и делува против тромбоза и проширени вени.

Покрај тоа, го зголемува хемоглобинот во крвта, како и снабдувањето на мозочните клетки со кислород. Добар е и за видот и за намалување на заморот.

Придобивките од семките од грозје

  1. Ги штитат и зајакнуваат крвните садови и срцето

Овие мали, но моќни семиња содржат комплекс од олигомерни проантоцијанидини.

Овие полифеноли делуваат така што ги шират крвните садови и ја стимулираат циркулацијата, ги зајакнуваат вените и капиларите и ја зголемуваат нивната флексибилност.

Покрај тоа, тие го спречуваат создавањето на наслаги во артериите чистејќи ги од вишокот маснотии. Покрај тоа, го намалуваат ризикот од проширени вени и хемороиди.

Комплексот на олигомерни проантоцијанидини го намалува крвниот притисок и благодарение на тоа, спречува срцев удар.

  1. Го подмладуваат организмот

Благодарение на олигомерните проантоцијанидини, семките од грозје ги потиснуваат воспаленијата и инфекциите и имаат подмладувачки и ревитализирачки ефект врз телото.

Бидејќи се богати со флавоноиди, семките од грозје исто така ги зајакнуваат коските и ја зголемуваат нивната густина.

Растителните флавоноиди делуваат и на забавување на стареењето на мозокот и можат да помогнат во спречување на деменција и Алцхајмерова болест.

  1. Го стимулираат варењето

Познато е дека грозјето, исто како и смоквите, е одлично за варење и цревната перисталтика.

Слично на тоа, семките имаат и благо лаксативно дејство, па се одлични за сите оние кои ги мачи неколкудневен запек.

  1. Го штитат видот

Семките од грозје го штитат ткивото на очите од распаѓање и помагаат во спречување на катаракта и макуларна дегенерација во подоцнежни години.