Непријатност после прејадување? Ублажете ги симптомите на надуеност со овој моќен напиток

Не е тајна дека чувството на надуеност може да биде крајно непријатно. Без разлика дали се работи за стрес, менструација, дехидрација или дури и чувствителност на храна, не може да се негира дека чувството на надуеност во нашите црева го убива уживањето во храната. Веќе знаеме дека многумина ќе ја почувствуваат оваа непријатност по празниците. Тоа е природно и им се случува на повеќето луѓе, но не значи дека треба постојано да поминувате низ симптоми како гасови, стегање во стомакот и грчеви.

За среќа, постојат едноставни начини со кои можете да си помогнете во намалување на надуеноста, вклучувајќи топла шолја билен чај. Чајот од ким има многу придобивки. Семето на ова растение се користи како зачин и како лековита билка. Има специфичен вкус и се користи за ароматизирање на различни јадења, вклучувајќи леб, сирење, кисела зелка и одредени алкохолни пијалаци.

Освен за готвење, кимот традиционално се користи и како лековита билка за варењето и гасовите, помагајќи да се ублажат непријатните, па дури и болните симптоми. Пријатниот и малку сладок вкус на кимот може да се спореди со оној на анисот.

Покрај дигестивните придобивки, чајот од ким ги има и следните здравствени придобивки:

Има антиинфламаторно дејство, го подобрува спиењето, извор е на антиоксиданти.
Постојат истражувања кои сугерираат дека чајот од ким може да игра значајна улога во губењето на тежината.

Како и за секој друг хербален препарат, добро е да се консултирате со вашиот лекар. Всушност, иако кимот се покажал како исклучително благ за повеќето луѓе, некои истражувања сугерираат дека не треба да го користат бремени жени и доилки.

Чај од ким

355 милилитри вода
15 грама цели семки од ким

Приготвување:

1. Во тенџере ставете ги водата и семките од ким да зовријат. Намалете го огнот и оставете го чајот да врие околу 10 минути, па тргнете го од оган.
2. За појак напиток, откако ќе зоврие, тргнете го од оган, поклопете го садот и оставете го чајот да отстои малку.
3. Засладете со мед по вкус или додадете нане.