Со цел поконкретно да се запознаете со предностите од повременото воздржување од храна, ви пренесуваме листа на позитивните аспекти од оваа практика
Познато е дека постот може да придонесе за здравјето на поединецот бидејќи станува збор за древна практика, која е застапена во различни култури и има најразлични примени.
Постот се дефинира како воздржување од одредени, па дури и сите видови храна или пијалаци во одреден период, особено помеѓу 24 и 72 часа и придонесува за губење на тежината и за функцијата на мозокот. Но, дополнително, поволно делува и на неколку други здравствени сегменти. Со цел поконкретно да се запознаете со предностите на оваа практика, ви пренесуваме листа на нејзините позитивни аспекти.
Ја поттикнува контролата на шеќерот во крвта
Според списанието Healthline, неколку студии покажале дека постот може да ја подобри контролата на шеќерот во крвта, што е корисно за луѓето кои се предиспонирани за развој на дијабетес. Им се препорачува периодично постење во траење од три дена во неделата бидејќи се верува дека на тој начин може да се намали ризикот од болести и да се одржи стабилно ниво на шеќер во крвта.
Има антиинфламаторно дејство и го намалува ризикот
Воспалението може сериозно да влијае на здравјето бидејќи може да предизвика развој на хронични состојби како што се срцеви заболувања, рак и ревматоиден артритис.
Се верува дека практикувањето на постот, особено повременото постење во текот на една година, ефикасно го намалува нивото на воспаление и ги намалува факторите на ризик. На крајот на краиштата, познато е дека намалувањето на нивото на вкупниот холестерол има добар ефект врз срцето, особено кај луѓето со прекумерна тежина. Токму поради намалувањето на внесот на калории, помага при слабеење и го стимулира метаболизмот.
Го зголемува лачењето на хормонот за раст
Оваа функција е поврзана и со метаболизмот, а освен на слабеењето влијае и на мускулната сила. Првенствено поради директната поврзаност на протеинскиот хормон за раст со растот на мускулите, се верува дека постот природно може да го зголеми неговото ниво во телото.
Постот, кој е најпогоден за подобрување на овој здравствен аспект, спаѓа во категоријата на ограничување на внесот на калории во одреден период, со цел да се користат резервите на масти како извор на енергија.
Го намалува ризикот од рак
Сè повеќе истражувања укажуваат на поврзаност помеѓу ракот и постот. Некои прелиминарни резултати сугерираат дека постот може да има одредени корисни ефекти во спречувањето или лекувањето на одредени форми на рак, но тие се само во прелиминарните фази. Сепак, познато е дека постот го стимулира процесот на автофагија, односно механизмот на клетките за чистење и рециклирање на старите, непотребни или оштетени компоненти во нив. Таквиот чин го намалува ризикот од развој на клетките на болеста.
Поради регулација на инсулинот, може да го намали ризикот од развој на рак на дојка и дебелото црево.
Ги подобрува невролошките функции
Се претпоставува дека постот ја поттикнува невропластичноста, односно способноста на мозокот да се менува и прилагодува во текот на животот. Ова го подобрува учењето, меморијата и општите когнитивни функции.
Во исто време, влијае на зголемувањето на нивото на невротрофичните фактори, протеини кои го поддржуваат растот и опстанокот на невроните и го намалува оксидативниот стрес, кој се дефинира како недостаток на рамнотежа помеѓу антиоксидативните одбранбени механизми и прооксидативните молекули, кои може да ги оштети мозочните клетки.
Иако сите придобивки од постот се уште не се целосно докажани, јасно е дека присуството на оваа навика, а во некои култури и обичај, може да придонесе за целокупното здравје на човекот. Доколку размислувате за ваква детоксикација, задолжително консултирајте се со вашиот лекар и внимателно проучете ги сите видови пост, бидејќи не мора секоја форма да ви одговара.