Уживајте во сезоната на костени на најдобар можен начин – направете го овој одличен колач со костени и мед
Сочна, мека, со примеси на есен – оваа торта целосно ќе ве маѓепса. Колачот со костени и мед е полн погодок за сите љубители на сезонските вкусни задоволства.
Подготовката нема да ви одземе премногу време, а ќе уживате во одличните вкусови на слатката есен.
Состојки:
200 г путер
180 г мед
80 г шеќер
3 јајца
300 г брашно
2 лажички прашок за пециво
6 лажици пире од костени
1 прстофат сол
Приготвување:
Најпрво сварете ги костените, а кога ќе бидат готови ставете ги во блендер и претворете ги во пире. Загрејте ја рерната на 170 степени.
Намачкајте го калапот за колач со путер.
Во сад ставете ги путерот, медот и шеќерот и стопете ги на тивок оган.
Изладете. Изматете ги јајцата, а потоа додадете ја смесата шеќер-мед и сè измешајте.
Додадете брашно, сол и прашок за пециво и на крајот додадете го пирето од костени.
Печете околу 50 минути. Кога ќе го извадите колачот од рерна, намачкајте го со мед додека е уште топол.
Пред печењето, тортата можете да ја посипете со омилените јаткасти плодови за да ѝ дадете крцкава површина, а можете да ја послужите со сладолед, со шлаг или сама.