Сакате да го зајакнете имунолошкиот систем? Оваа намирница е полна со витамин Ц, го чува срцето, штити од рак и е корисна кај дијабетес
Сепак, брокулата не е идеална за секого. Луѓето кои земаат разредувачи на крвта мора да внимаваат на внесот на витамин К, додека кај оние со синдром на нервозно дебело црево може да предизвика надуеност. Исто така, фосфорот од брокулата може да биде проблематичен за оние со проблеми со бубрезите.
Брокулата можеби не изгледа гламурозно, но оваа зелена-крцкава кралица на зеленчукот е вистинско богатство од витамини, минерали и антиоксиданти. Иако потекнува од див синап, земјоделците ја обликувале низ вековите во зеленчукот што го знаеме денес. Таа била дел од медитеранската кујна уште во Римското Царство, додека во Америка почнала да се одгледува дури во 1920-тите. Денес, просечниот Американец јаде речиси три килограми брокула годишно – и покрај фактот дека нејзиниот специфичен вкус понекогаш е „генетски проблематичен“ за чувствителните непца.
Висока доза на витамин Ц
Половина чаша варени цветчиња содржи само 15 калории, но е богата со хранливи материи. Брокулата е богата со витамин Ц – една чаша содржи витамин Ц колку и портокалот – а исто така содржи калциум, железо, фосфор, калиум, цинк и витамини А, Б6, Е и К.
Стеблата се полни со влакна, додека листовите се ризница на антиоксиданти и калциум. Зошто е добра за вашето здравје? Научниците обрнаа посебно внимание на сулфорафанот, сулфурно соединение кое се наоѓа во брокулата. Може да помогне кај дијабетес бидејќи го намалува нивото на шеќер во крвта, особено кај луѓе со тип 2. Исто така, помага кај рак бидејќи помага во спречувањето на формирање на канцерогени клетки. Ја зачувува ‘рскавицата во зглобовите кај остеоартритис, а може да помогне и за менталното здравје. Имено, се истражува нејзиното влијание врз регулирањето на хемијата на мозокот кај шизофренијата. Покрај тоа, каротеноидите од брокулата го зајакнуваат имунитетот и го штитат срцето.
Не е за секого
Брокулата не е идеална за секого. Луѓето кои земаат разредувачи на крвта мора да внимаваат на внесот на витамин К, додека кај оние со синдром на нервозно дебело црево може да предизвика надуеност. Исто така, фосфорот од брокулата може да биде проблематичен за оние со проблеми со бубрезите.
Важно е и како ја избирате брокулата. На пазарот, изберете цврсти и темнозелени главици без жолти цветчиња. Во фрижидер, во пластична кеса, може да трае до една недела. Најдобро е да се готви кратко – бланширањето или печењето во рерна ги зачувува хранливите материи. Класичното готвење во вода, од друга страна, „убива“ до 90 проценти од витамините. Подобро е да се вари на пареа.
Можете да ја јадете сирова со сос од јогурт или хумус, да ја додадете во тестенини, да ја печете со домати или да ја претворите во крем супа со сирење. Без разлика дали е ѕвезда на оброкот или скромен додаток, брокулата е неопходен сојузник на здравјето – и одлична причина да ѝ дадете повеќе простор на чинијата.