Откако ќе го прочитате ова, никогаш повеќе нема да ја фрлате течноста од киселите краставички: Еве како може да се искористи и за што е навистина добра
Кога ќе отворите тегла со кисели краставички и ќе ги искористите речиси сите – зачувајте ја течноста! Иако самата помисла на пиење на оваа течност може да звучи доста непријатно, експертите велат дека токму овој напиток има многу здравствени придобивки, од пробиотски ефекти до лек за мамурлак.
Двете најчести хранливи состојки што се наоѓаат во сокот од кисели краставички се натриум и калиум, а овој напиток содржи мали количини калциум и магнезиум. Експертите велат дека има исклучително позитивен ефект врз телото, а може да се користи и како прелив за салата.
Водата од кисели краставички лесно може да го замени оцетот или сокот од лимон, давајќи пријатна кисела нота, но и природна соленост, што може да ја намали потребата од додавање сол. Идеално се комбинира со маслиново масло, билки како магдонос, копар или босилек, а по желба и малку лук или сенф, што прави богат, здрав и комплексен прелив.
Овој прелив особено добро оди со салати од свеж зеленчук, како што се домати, краставици, пиперки и зелена салата, но може да биде одличен додаток и на салати од компири или салати од житарки како што се киноа и јачмен. Водата од кисели краставички му дава на јадењето живост и нова димензија на вкус, а во исто време придонесува за подобро здравје.
Ја подобрува хидратацијата
Водата од кисели краставички може да помогне побрзо да се врати електролитната рамнотежа во телото, што е корисно, особено по физички напор или болест што предизвикува дехидратација. Поради високата концентрација на натриум и калиум, може да ви помогне побрзо да ја вратите енергијата и хидратацијата.
Може да ги намали мускулните грчеви
Една од придобивките од водата од кисели краставички е нејзината способност да ги намали мускулните грчеви, благодарение на содржината на калиум и магнезиум. Оваа течност може да биде корисна и по напорен тренинг, бидејќи ви помага побрзо да се опоравите и ја намалува веројатноста за грчеви.
Помага при мамурлак
Ако сте пиеле премногу алкохол и се чувствувате исцрпено и дехидрирано, водата од кисели краставички може да ви помогне побрзо да ја вратите електролитната рамнотежа и хидратацијата. Натриумот во водата од кисели краставички помага да се врати рамнотежата во телото, што е клучно за закрепнување од мамурлак.
Детоксикација
Закиселувањето на зеленчук, вклучувајќи ги и краставиците, произведува супстанции кои можат да помогнат во детоксикацијата на телото. Сокот од кисели краставички може да помогне во елиминирањето на токсините од телото, што го прави природен чистач на телото.
Помага во варењето
Природно ферментираните кисели краставички и нивниот сок содржат корисни микроорганизми наречени пробиотици, имено големи количини на лактобацили, една од неколкуте здрави цревни бактерии. Оваа бактерија е една од многуте пробиотици кои се корисни за целокупното здравје. Сепак, повеќето купени кисели краставички се пастеризирани, што значи дека бактериите што некогаш биле во сокот сега се неактивни, па во овој случај, подобро е да користите сок од кисели краставички што сте ги подготвиле сами.