Има бројни позитивни ефекти од редовното консумирање зелен чај, но експертите сепак предупредуваат: можно е да претерате и да предизвикате контра-ефект и на тој начин да му наштетите на вашето здравје.
Зелениот чај често се користи како замена за утринското кафе бидејќи го зголемува чувството на будност на телото, а исто така е добар за подобрување на концентрацијата и намалување на крвниот притисок, велат експертите. Некогаш во Азија, зелениот чај го пиеле исклучиво царевите, бидејќи содржи полифеноли, моќни антиоксиданти.
Денес, многу луѓе го користат за губење на тежината и детоксикација на телото, а се верува дека помага во намалување на воспаленијата и спречување на оштетувањето на клетките бидејќи ги содржи гореспоменатите полифеноли и други антиоксидантни соединенија.
Зелениот чај се произведува од истото растение како и црниот чај, иако поради специфичните климатски услови на одделни краеви кадешто расте чајната билка, постојат и нејзини различни сорти.
Ако се користи редовно, зелениот чај може да помогне во борбата против кардиоваскуларните болести. Има ефект на намалување на веројатноста за срцев и мозочен удар, а неодамнешните истражувања покажуваат дека зелениот чај може да се користи и за ублажување на напнатоста и ублажување на симптомите на ПМС кај жените. Покрај тоа, содржи и други соединенија кои го намалуваат ризикот од деменција.
Сепак, позитивни ефекти се постигнуваат само ако зелениот чај се консумира умерено. Со други зборови, вообичаената дневна количина зелен чај што ја пијат Јапонците е околу три шолји (24-320 мг полифеноли). Надминувањето на овие количини може да предизвика негативни ефекти и да го иритира желудникот поради прекумерната количина на кофеин.
Во случај да страдате од споменатите болести или постои ризик да се разболите, ве советуваме да се консултирате со лекар пред да користите природни препарати.