Нутриционистка открива што се случува ако пиете кисела вода секој ден и дали е тоа добро или лошо?
Многу луѓе сакаат кисела вода, без разлика дали е со вкус или не. Се верува дека таа придонесува за подобро варење и здравје на цревата, поради што газираната вода често се избира како „одлична замена“ за газиран сок. Луѓето често пијат кисела вода за да го смират својот стомак, пред сѐ, за да ги ублажат непријатните симптоми на киселините. Дали е тоа вистина и колку е безбедно да се пие кисела вода секој ден, откри нутриционистката Сара Хас.
Според неа, секојдневното консумирање има позитивни и негативни страни. Киселата вода придонесува за подобра хидратација, а позитивно влијае и на варењето, неутрализацијата на желудочната киселина, работата на бубрезите и правилната работа на срцето. Една студија покажала дека редовното внесување на кисела вода ја зголемува густината на коските, која нормално се губи со возраста.
Меѓутоа, ако пиете кисела вода секој ден, има негативни ефекти. Може да ја оштети забната глеѓ и да придонесе за развој на кариес. Клиниката Мајо истакнува дека газираните пијалаци, како и водата, можат да придонесат за развој на киселини.
Имено, киселината која ја содржи киселата вода е опасна на празен стомак, па наместо да го решите проблемот со киселината или варењето, можете само да го влошите. Најдобро е да се пие кисела вода помеѓу оброците, додека сите газирани безалкохолни пијалаци треба да се избегнуваат колку што е можно повеќе.