Сочни лепчиња со гриз од тавче – меки како памук (ВИДЕО)

Фото: Јутјуб
349

Рецептот за лепчиња со гриз за кои не треба да палите рерна ни доаѓа од Јутјуб каналот Efsana Tarifler. Вкусно, меко, сочно, едноставно неодоливо, а подготовката е многу едноставна. Ќе бидете воодушевени!

Можеби најдоброто во приготвувањето на овие лепчиња е тоа што не мора да ја вклучувате рерната. Доволно е да ставите на ринглата едно тавче со капак и да го испробате рецептот

Состојки:

2 чаши топла вода (400 мл)
1 кесичка сув квасец
1 лажица шеќер (20 грама)
1 лажица масло (20 грама)
1 лажичка сол (10 грама)
1 чаша гриз (120 грама)
4 чаши брашно (480 грама)


Приготвување:

Во длабок сад ставете 2 чаши топла вода, додадете квасец, 1 лажица шеќер и измешајте.

Додадете 1 лажица масло, 1 шолја гриз и измешајте уште малку.

Потоа додадете 4 чаши брашно, 1 лажичка сол и замесете мазно тесто.

Оставете го да одмори еден час.

Премесете го тестото, подмачкајте ја работната површина за да не се залепи па исечете го на два дела, формирајте топчиња и намрсете ги.

На работната површина поросете малку гриз и расукајте го тестото, формирајќи лепчиња.

Потоа префрлете го намрсеното тесто во тавата, покријте го и оставете го да одмори уште 15-20 минути.

Пржете го од секоја страна додека не добие убава златно-кафеава боја.

Оставете да се излади и послужете топло.