Овие здрави кекси се прават брзо, а оваа количина од рецептот е доволна за 4-5 „разбрани“ луѓе. Ако сте од оние другите, веднаш правете двојна доза, ама сигурно знаете дека сѐ што не е умерено, веќе не е ни толку здраво.
Наутот е богат извор на хранливи материи. Содржи многу протеини и има низок гликемиски индекс. Со темното чоколадо прави совршена комбинација за кекси кои се најдобри кога се јадат топли.
Овие здрави кекси се прават брзо, а оваа количина од рецептот е доволна за 4-5 „разбрани“ луѓе. Ако сте од оние другите, веднаш правете двојна доза, ама сигурно знаете дека сѐ што не е умерено, веќе не е ни толку здраво.
Состојки:
240 г варен наут
160 г путер од кикиритки или бадеми на собна температура
80 г мед
1 лажичка прашок за пециво
малку сол (ако немате солен путер од кикиритки)
30 г исечкано темно чоколадо
Приготвување:
Сите состојки, освен чоколадото, ставете ги во блендер и мешајте додека не се изедначи.
Кога ќе добиете изедначена смеса, додадете ги парчињата чоколада.
Направете топчиња со влажни раце и наредете ги врз хартија за печење.
Се печат на 180 степени 10 минути (додека не поруменат и не добијат кора).
Оставете ги малку да се изладат ама не мора сосема бидејќи се највкусни кога се уште топли.