Домашен напиток од киви кој совршено ги чисти црниот дроб и крвните садови

Тешката храна во текот на зимата, изложеноста на токсините од воздухот и околината, го оптоваруваат црниот дроб и циркулаторниот систем, што влијае на здравјето и виталноста. Некои од симптомите кои може да укажуваат на заситеност на телото и црниот дроб со токсини се замор и летаргија, сува кожа, кожни болести, чести главоболки, лошо варење, вишок килограми…

Накусо, време е да му помогнете на организмот. Направете овошен напиток направен од само неколку состојки кои веќе ги имате во вашата кујна!

Освен што го снабдува организмот со потребните антиоксиданти, витамини и минерали, овошјето помага и во елиминирање на отпадните материи кои ги оптоваруваат органите и крвотокот.

Лимонот, кивито и авокадото се особено добри за детоксикација на црниот дроб и крвните садови.

Во синергија, благодарение на комбинацијата на моќни антиоксиданти и здрави масни киселини, тие прават чуда за вашето тело и целокупното здравје.

Киви – одличен заштитник на црниот дроб

Ова популарно овошје е богато со хранливи материи кои благотворно делуваат на здравјето на црниот дроб.

Кивито се смета за еден од најдобрите извори на витамин Ц (со консумирање на 2 киви ќе го снабдите организмот со 140 мг од овој моќен антиоксидант).

Ова овошје може да се пофали со уште околу 20 хранливи материи, вклучувајќи ги витамините Е и К, калиум и фолна киселина, а богато е и со растителни влакна.

Благодарение на содржината на калиум, кој е поприсутен во кивито отколку во бананата, ова моќно овошје помага и во регулирање на крвниот притисок.

Исто така ги намалува мастите во крвта, а со тоа ги штити крвните садови и срцето и помага во спречување на кардиоваскуларни болести.

Антиоксидантите присутни во кивито спречуваат замастување на црниот дроб.

Дури и откако ќе престанете да го консумирате овој пијалак за детоксикација, за да го заштитите црниот дроб и крвните садови, продолжете да јадете на дневна основа барем едно свежо киви!

Лимон – одлично средство за чистење на телото

Лимонот, како и другите цитрусни овошја, со причина е незаменлива состојка во многу пијалаци за детоксикација.

Цитрусното овошје, помешано со вода, го поттикнува исфрлањето на токсините од црниот дроб и од целиот организам.

Исто како и кивито, ова овошје е и одличен извор на најмоќниот антиоксидант – витаминот Ц.

И покрај неговиот кисел вкус, лимонот всушност го алкализира човечкото тело, доближувајќи го до оптимално здравје.

Освен витамин Ц, лимонот содржи и пектин и есенцијални масла, кои ги зајакнуваат ѕидовите на цревата и на тој начин ја спречуваат пропустливоста и „истекувањето“ на отпадните материи во црниот дроб, што би довело до негово преоптоварување.

Затоа, не е ни чудо што многу поддржувачи на здрав начин на живот го започнуваат денот со свежо исцеден сок од лимон.

Авокадо – здрави масти за здраво срце

Авокадото е богато со здрави масни киселини, што го рангира меѓу најдобрите намирници за здравјето на срцето и крвните садови. Исто така, тоа е богато со калиум (содржи повеќе калиум од бананата).

Освен калиум и супер-здрави масти, авокадото содржи и витамини А, Б, Ц, Е и К, а минералите вклучуваат железо, фосфор, бакар, магнезиум, цинк и манган.

Исто така, една од неговите моќни состојки е глутатионот, кој помага да се елиминираат токсините од телото. На овој начин ја помага и работата на црниот дроб.

Истражувањата покажаа дека авокадото помага да се спречи оштетувањето на црниот дроб.

Нане – повеќе од освежителни ливчиња

Како и другите состојки на овој пијалак за детоксикација, свежите листови нане даваат силен поттик за работата на црниот дроб и панкреасот.

Покрај тоа, тие го стимулираат исфрлањето на отпадните материи од телото, го чистат желудникот и помагаат да се елиминира вишокот слуз од телото.

Исто така, нането го олеснува дишењето и е многу добро за срцето.

Напиток од киви – за детоксикација на црниот дроб и крвните садови

Состојки:

3 киви
1 авокадо
1 лимон
10-15 листови свежо нане
250 мл вода

Приготвување:

Излупете ги кивито и авокадото и исечете ги на парчиња. Префрлете се во блендер и додадете свежо исцеден сок од лимон и 10-15 листови свежо нане.

Ставете вода и измешајте сè заедно.

Овој напиток пијте го на празен стомак секое утро во текот на две недели.